ପ୍ରେମ ରେ ଛଳନାର ନିଆଁ

ପ୍ରେମରେ ଛଳନା ପୁରାଣ କାହାଣୀ ଅନେକ ଚିତ୍ରିତ ଅଛି

ତନ୍ମଧ୍ୟୁ ରୋଚକ ଦୁଃଖଦ ଗୌତମ ରୁଷିଙ୍କ ଭାଗ୍ୟେ ଘଟିଛି

ଗୌତମ ଘରଣୀ ଅହଲ୍ୟା ସୁନ୍ଦର ରୂପେ ମୁଗ୍ଧ‌ ହୋଇ ଇନ୍ଦ୍ର

ଛଳନା ର ଜାଲ ବିଛାଇ ଅଭିପ୍ଷା ପୂର୍ଣ୍ଣେ ପଡିଲା ପ୍ରମାଦ ।।

ଦିନେ ଗଉତମ ରୁଷି ରୂପ ଧରି ଆଶ୍ରମେ ଇନ୍ଦ୍ର ମିଳିଲେ

ଗୌତମ ଘରଣୀ ଅହଲ୍ୟା ଙ୍କୁ ଛଳେ ପ୍ରେମେ ଉପଭୋଗ କଲେ

ଏବେଳେ ଗୌତମ ଆଶ୍ରମେ ଆଗମ ଜାଣି ମଞ୍ଜାରୀ ରୂପରେ 

ଗବାକ୍ଷ ଫାଙ୍କେ ପଳାଇବା ବେଳେ  ପଡ଼ିଲା ରୁଷି ଆଖିରେ ।।

ଧ୍ୟାନରେ ଯାଣିଲେ ଦେବରାଜ ଇନ୍ଦ୍ର ଛଳକରି ଅହଲ୍ୟା ରେ

କରିଲା ପ୍ରଣୟ ଅବିବେକି ଇନ୍ଦ୍ର ହରିଲା ରୁଷି ପତ୍ନୀ ରେ

ଘେନ ଅଭିଶାପ ସହସ୍ର ଯୋନି ରେ ଭୂଷିତ ହୁଅ ବାଶବ

ଅହଲ୍ୟା ପାଷାଣ ତ୍ରେତା ରେ କଷଣ ମୁକ୍ତ କରିଲେ ରାଘବ ।।

ଛଳ ପରିଣାମ ଅତି ଭୟାବହ ପ୍ରେମରେ ଛଳନା ନିଆଁ

ଜାଳି ପୋଡିଦିଏ ସୁଖ ସରାଗର ଅମୃତ ମୟ ଦୁନିଆଁ ।।