ପ୍ରେମ ପୁଲକ

ପ୍ରେମରେ ପ୍ରେମରେ ସଢି଼ ମୁଁ ଗଲିଣି

ଦେଖିକି ରୁହ କେମିତି

କୋଳେଇ ନେବାର ନାମ ହିଁ ଧରୁନ

ହୃଦୟେ ନାହିଁ ପୀରତି ।

ପ୍ରେମର ପୁଲକେ ଭାରି ଭଲ ଲାଗେ

ପାଖରେ କେ'ଥିଲେ ଜଣେ

ଲୋଡା଼ ନାହିଁ ଯା'ର ପୁଲକ ନ ଥିବ

ଯେତେ ଥା'ନ୍ତୁ ପାଖେ ପଣେ।

କହୁଛି ଖୋଲିକି ହୃଦୟେ ମୋହର

ଫୁଟିଛି ପ୍ରେମ ପୁଲକ

ସୁବାସ ଯାଉନି ବୋଲିକି ଆସୁନ

ଭ୍ରମର ପରିକା ପୋକ।

ଧରଧର ମୋତେ କୋଳରେ ବସାଅ

ପଡି଼ଯିବି ଏହିକ୍ଷଣି

ଗଣୁନ ଅଙ୍କଟେ ଏକ ଦୁଇ ତିନି

ପାରୁନ କାହିଁକି ଛାଣି।

ବଡ଼ ସରାଗରେ ହୃଦୟ ଫିଙ୍ଗିଛି

କାହାର ପଡୁନି ଦୃଷ୍ଟି

ହୀନ କପାଳେ ମୋ ବିଧାତା ଲେଖିଛି

କାହିଁକି କରିଛି ସୃଷ୍ଟି ।