ପ୍ରେମ ପୁଲକ

ପ୍ରଣୟ ପ୍ରଣୀତା         ମୋ ମନ ମନୀଷା

    ହେ ମୋ ପ୍ରିୟା ପ୍ରଣୟିନୀ! 

ତୋ ଚନ୍ଦ୍ରବଦନ         ପ୍ରଫୁଲ୍ଲ ଚାହାଁଣି

    ତୁ ମୋ ପ୍ରେମ ନିର୍ଝରିଣୀ ।

ପ୍ରେମର ସମ୍ପର୍କ        ଅତି ମନୋହର

    ତୁ ରାଧା ମୁଁ ଅଟେ ଶ୍ୟାମ

ସୁମଧୁର ଆମ         ସ୍ନେହର ସମ୍ପର୍କ

    ତୁହି ସୀତା ମୁହିଁ ରାମ ।

ପ୍ରେମ ପୀରତିରେ      ଭରିଦେବି ତୋତେ

    ଦେଇ ଚିର ସ୍ନେହ ସ୍ବର

ରଖିଦେବି ସଦା       ମୋଅରି ପାଶରେ

    ବୁଲେଇ କେତେ ମୁଁ ପୁର ।

ମୋ ହୃଦ ମନ୍ଦିରେ    ସ୍ଥାନ ମୁଁ ଦେଇଛି

    ସମ୍ପର୍କରେ ଦେବୀ ଦାସ

କିଏ ବା ଚାହିଁବ       କରିବ ଭଙ୍ଗନ

    ମାଡ଼ିବେନି କେହି ପାଶ ।

ହୋଇଯାଉ ଆମ    ପ୍ରଣୟ ସମ୍ପର୍କ

    କ୍ଷୀର ନୀର ଚିର ପ୍ରେମ

ଆମକୁ ଦେଖି ବା    ଜଗତ ଗାଇବ 

   ବୋଲି ପ୍ରେମେ ଆମ ନାମ ।

ସ୍ନେହ ସମ୍ପର୍କ ତ     ଛେନା ସର ପରି

     ସ୍ୱର୍ଗପୁର ସୁଖ ଆଣେ

ଅନୁଭବୀ ସିନା      ଥାଏ ଅବଗତ

    ତା ବିନା କିଏ ବା ଜାଣେ?