ପ୍ରେମ ଓ ପ୍ରେରଣା
ପ୍ରେମ ଓ ପ୍ରେରଣା
ଖୁବ୍ କମ୍ ସମୟ ଭେଟରେ ବି
ସାଇତି ନେଲି ହୃଦୟରେ
ତୁମ ହସ ହସ ଚେହେରାଟିକୁ
ଆଙ୍କି ଦେଲି ମୋ ମନ ଆଇନାରେ
ସ୍ମୃତି ତୁମେ ଲୁଚକାଳି ଖେଳିବ କେମିତି ?
ନିଆରା ଅନୁଭବକୁ ମୋର,
ମାନସପଟ୍ଟରୁ ଶବ୍ଦର ଭାବାଙ୍କନରେ,
ସମର୍ପି ଦେଲି ତୁମ ନାମରେ
ତୁମେ ଚିର ସବୁଜ, ମୋର ସ୍ମୃତିପଟ୍ଟରେ ।
ଆନମନା ମନ ମୋର ହଜିଯାଏ ବେଳେ ବେଳେ,
ଜୀବନର ଲକ୍ଷ୍ୟ ଖୋଜୁ ଖୋଜୁ ବାଟବଣା ହୋଇ,
ଗୋଡ଼ ଖସି ଯାଏ ନକାରାତ୍ମକତାର ଶିଉଳିରେ
କିନ୍ତୁ ସଳଖି ଛିଡ଼ା ହୋଇଯାଏ ପୁଣି,
ତୁମର ସ୍ନେହଭରା କେତେ ଗୋଟି ବାକ୍ୟ ବିନିମୟରେ ।
ନକାରାତ୍ମକ ଚିନ୍ତା ଭୁଲି ହୋଇଯାଏ,
ରାତ୍ରିର ଦୁଃସ୍ୱପ୍ନ ହୋଇ
ସକାରାତ୍ମକ ସୂର୍ଯ୍ୟ ଉଇଁ ଆସେ,
ଆଗକୁ ମାଡ଼ି ଯିବାର ଆସ୍ପୃହା ନେଇ।