ପ୍ରେମ କରେ, କହିବା ସହଜ

ମୋର ମନ, ପ୍ରାଣ, ହୃଦୟ ଓ ଭାବନା,

କିଣିଲ ତାହା, ଦେଇ ନୂତନ ସ୍ପନ୍ଦନ ସିନା ।

ତୁମ ସହ କେତେ ସମ୍ପର୍କ ଥିଲା ମୋର 

ଲେଖିବି ହାତରେ ଧରିଲି କଲମ ମୋର ।

ପ୍ରୀତିରେ ଥିଲା ଆଶା ହେବୁ ଆପଣାର 

ବୁକୁ ଚିରି ଦେଖାଇ ପାରିବିନି ହୃଦୟ ଭିତର ।

ଚାଲିଗଲ ଛିନ୍ନ କରି ସବୁ ମାୟାର ବନ୍ଧନ

ଅତିକ୍ରମି ପ୍ରୀତି ରେଖାକୁ, ନକରି ପରିପୂର୍ଣ୍ଣ ।

ଆଖି ପାଣି ସିନା ମୋର ଆଖିରେ ମରିଲା

ଅପେକ୍ଷା କରି କରି ଦିନ କାଳ ସରି ଆସିଲା ।

ଆଶାୟୀ ମନଟା ମୋର ଆଶାରେ ରହିଲା

ମୋର ଅଧା ଲେଖା ସେମିତି ଅଧା ରହିଗଲା ।

ପ୍ରେମ କରେ, ଏହା କହିବା ଅତୀବ ସହଜ

ବିରହରେ, ପ୍ରେମର ଚାଲିଯାଏ ସବୁ ମଉଜ ।