ପ୍ରେମ ଏକ ପୂଜା

ବିକଶେ ସୈ।ରଭ ମଳୟ ସମୀର

ଯଉବନ ମଧୁବନ

ଉଛୁଳଇ ମନେ ଉଲ୍ଲାସ ଆନନ୍ଦ

ମଧୁମୟ ପ୍ରୀତି ପ୍ରେମ ।

ଭାବ ଅନ୍ତରଙ୍ଗେ ଦିଶଇ ବର୍ଣିଳ

ଇନ୍ଦ୍ରଧନୁ ସପ୍ତରଙ୍ଗ

ଶୁଭେ ର୍ମୂହୁ ର୍ମୂହୁ ଗହନ ମନରେ

ମୂରଲୀ ପଞ୍ଚମ ରାଗ ।

କୁଞ୍ଜ ଉପବନେ ଡେଣାକୁ ମେଲାଇ

ଉଡେ ମନ ପ୍ରଜାପତି

ବିଭୋର ହୁଅଇ ମଧୁର ସପନେ

ଗାଏ ମିଳନର ଗୀତି ।

ଅଦ୍ଭୁତ କିମ୍ଭୁତ ଆଶା ଆକର୍ଷଣ

ପ୍ରେମ ନୀଳ ଅନୁରାଗ

ପ୍ରେମ ନୀଳ ପକ୍ଷୀ କପୋତ କପୋତୀ

ମୁକ୍ତ ଆକାଶ ବିହଙ୍ଗ ।

ମାନେନା ସ°ସାର ବାଧା ପ୍ରତିବନ୍ଧ

ପ୍ରେମ ସତ୍ୟ ଚିରନ୍ତନ

ନିବିଡ଼ ସମ୍ବନ୍ଧ ଏକାତ୍ମତା ସୂତ୍ର 

ପ୍ରେମ ଜୀବନ ବନ୍ଧନ ।

ମମତା ମଧୁର ଅମୃତ ନିର୍ଝର

ପ୍ରେମ ସ୍ୱର୍ଗିୟ ସୁଷମା

ଅନୁପମ ପ୍ରେମ ସାଧନା ଉତ୍କର୍ଷ

ପ୍ରେମ ପୂଜା ଆରାଧନା ।