ପ୍ରେମ ବୀଥିକା

ମୋ ମନେ ଯନ୍ତ୍ରଣା ପାଉଛି ମୁଁ ଯାହା 

ବୁଝି କେ ପାରିବ ମୋତେ 

କହୁଥିବେ ସବୁ କହିବା ପାଇଁକି 

ସର୍ବେ ନିଜ ନିଜ ମତେ ।

ହୃଦୟ ଯାତନା କରେ ନିପାତନା 

କରିଦେବ ବୋଲି ପର 

ଦେଇଛି ଯେ କଥା ହେବକି ଅନ୍ୟଥା 

ଆସୁଥାଏ ମନେ ଡର

ଅନ୍ତରର କଥା ରଖିଛି ମୁଁ ଚାପି 

ଭାବି ଭାବି ଦିନ ରାତି 

ଯାହାକୁ ମୁଁ ମନେ ଭଲପାଏ ଏତେ 

ଅବୁଝା କାହିଁ ତା ମତି। 

ଭଲପାଏ ବୋଲି ଭାବନାଟା ମୋର 

ହେଲାକି ଆବିଳପୁର

ସବୁ ବୁଝି ଯଦି ହୁଏ ଅପଳାପି

ଏତିକି ବେଦନା ଭାର। 

ଜହ୍ନର ଜୋଛନା ମଳୟ ମୂର୍ଚ୍ଛନା 

ପବିତ୍ରତା ପ୍ରେମ ଧାରା 

ପ୍ରେମରେ ବିଶ୍ୱାସ ବଞ୍ଚିବାର ନ୍ୟାସ 

ଅବିଶ୍ବାସେ ନୁହେଁ ଧରା।