ପରଛା ମନ୍

ଗରିବ୍ ଘରେ କୁନୁଆଁ ସରଧା

ଚାକରିଆ ଘରେ କେଇଁ

ନେଇ ଦେଲେ ବି  ଚାହା ଜଲଖିଆ 

ପାହାଁ ତଲେ ତୋର, ଉଲଗି ହେଇ

ପେନ୍ ଗଡ଼ୁ ଦେବା ଥୁଇ 

ପେନ୍ ଗଡ଼ୁଦେବା ଥୁଇ ।।୧ ।।

ହାତ୍ ଧରିକରି ଖଟେ ବସାବା

ମନକେ ସୁରତା କରି

ଚୌକି ସୋଫା ନେଇ ଥିଲେ ବି

ପରଛା ମନ ତି

ହୁରୁଦ୍ ଯିବା ଭରି

ତୋର ହୁରୁଦ୍ ଯିବା ଭରି ।। ୨।।

ଉସତ୍ ମନେ ରାନ୍ଧିବାଢି କରି 

ସାଗ ତୁନ୍ ରଚେ ଦେବା 

କୁକ୍ରା ଚେମରା ନେଇ ଦେଲେ ବି 

ସମିଆ ଦେଇ, ପରଛା ମନ ତି

କୁନୁଆଁର୍ ମନ୍ ଜିତବା 

କୁନୁଆର ମନ୍ ଜିତବା ।। ୩।।

ମନ୍ ଜାନସି ମନର୍ କଥା

କୁନୁଆଁର କଥା ଗରିବ୍

ଧନି ଲୋକକେ ଧନ୍ ସରଧା 

ଉପରେ ଉପରେ, ଜାନିଥା ବାବୁ

ଦେଖେଇ ହେସନ୍ ସରିଫ୍ 

ଦେଖେଇ ହେସନ୍ ସରିଫ୍।। ୪ ।।