ଲାଇବ୍ରେରୀ
ପ୍ରୋଫାଇଲ୍
ପ୍ରଭୁ ପ୍ରୀତି
ପ୍ରଭୁ ପ୍ରୀତି
1 min
380
ପକ୍ଷୀ ଟିଏ ଯଦି କରିବ ହେ ପ୍ରଭୁ ରହି
ଥିବି ତୁମ ବଡ଼ ଦେଉଳ ରେ
ଉଡି ଉଡି ନୀତି ଶ୍ରୀକ୍ଷେତ୍ରେ ବୁଲିବି
କୈବଲ୍ୟ ପାଇବି ଆନନ୍ଦ ବଜାରେ
ଗଛ ଟିଏ ଯଦି ହେବି ମୁ ପ୍ରଭୁ ହେ
ରହି ଥିବି ତୁମ ବଡ଼ ଦାଣ୍ଡ ରେ
ପହଣ୍ଡି ରେ ଯେବେ ଝୁଲି ଝୁଲି ଆସିବ
ଚାମର ସେବା କରିବି ମୋ ଡାଳ ରେ
ଧୂଳି କଣା ଯଦି କରିଦେବ ମୋତେ
ମିଶି ଯିବି ମୁହିଁ ଶରଧା ବାଲି ରେ
ନନ୍ଦୀ ଘୋଷ ରଥେ ଯେବେ ଆସୁ
ଥିବ
ପାଦ ପଡୁଥିବ ତୁମ ମୋ ଉପରେ
ମେଘ ହୋଇ ଯଦି ଆକାଶେ ରହିବି
ଆସୁଥିବି ତୁମ ପାଇଁ ଆଷାଢ ମାସରେ
ଭକ୍ତ ସାଥେ ମିଳନ ଯେବେ ତୁମ ହୋଇବ
ବରିଷି ଯିବି ମୁ ଶ୍ରୀ କ୍ଷେତ୍ରମାଟିରେ
ଦୀପ ଟିଏ ଯଦି କରିବ ହେ ପ୍ରଭୁ
ଜଳୁ ଥିବି ରହି ନୀଳାଚଳରେ
ରତ୍ନ ବେଦି ରେ ତୁମ କୁ ଦେଖିବି
ସେବା କରିବି ମୁ ଜ୍ୟୋତି ରୂପ ରେ
ଫୁଲ ଟିଏ ଯଦି କରିବ ହେ ପ୍ରଭୁ
ରଖିବ ମୋତେ ତୁମ ପାଦ ପଦ୍ମ ରେ
ତୁମ ପାଇଁ ମୁହିଁ ନୀତି ଫୁଟୁ ଥିବି
ଝୁଲି ବାକୁ ତୁମ ଶ୍ରୀ ଭୁଜ ଉପରେ
