ପ୍ରଭାତ
ପ୍ରଭାତ
1 min
377
ପ୍ରଭାତ ଅଟଇ ଜାଗ୍ରତ ପ୍ରହରୀ
ସୁପ୍ତତାକୁ ଦୂର କରେ,
ଜାଗ୍ରତ ମଣିଷ ପାଏ ନାହିଁ ଦୁଃଖ
ସୁପ୍ତ ମଣିଷଟି ମରେ ।
ସୂର୍ଯ୍ୟଙ୍କର ସେହି ସୁନେଲି କିରଣ
ଶକ୍ତି ସଞ୍ଚାରିତ କରେ,
ଆଳସ୍ୟକୁ ସେ ଯେ ସଦା ଦୂର କରି
କର୍ମ ଶରୀରରେ ଭରେ ।
ରଙ୍ଗ ବେରଙ୍ଗର କୁସୁମ ସୁରଭେ
ମନକୁ ଆନନ୍ଦ କରେ,
କୋଳାହଳ ହୀନ ଶାନ୍ତ ପରିବେଶ
ମନରେ ପ୍ରଶାନ୍ତି ଭରେ ।
ଯୋଗୀ ଋଷୀ ମୁନି ସାଧକ ମାନଙ୍କ
ଏହାଯେ ପ୍ରକୃଷ୍ଟ ସମୟ,
ସାଧନା ବଳରେ ସିଦ୍ଧି ଲାଭ କରି
ଦେଶକୁ ଦିଅନ୍ତି ବିଜୟ ।
ବର୍ଜ୍ୟବସ୍ତୁ ସବୁ ନିଷ୍କାସନ କରି
ଶରୀରକୁ ଶୁଦ୍ଧ କରୁ,
ଦୁନିଆରେ ଆମେ ଭଲ କାମ କରି
ଦେଶକୁ ଯଶ୍ଵସୀ କରୁ ।
ହେ ପ୍ରଭାତ ତୁମେ ସବୁବେଳେ ରୁହ
କେବେ ଛାଡି ଯାଅ ନାହିଁ,
ସଦା ଆଶୀର୍ବାଦ ରହୁ ଆମ୍ଭ ପାଶେ
କରୁଛି ମିନତି ମୁହିଁ ।