ଲାଇବ୍ରେରୀ
ପ୍ରୋଫାଇଲ୍
ପରାଜୟ
ପରାଜୟ
1 min
161
ଓଡ଼ିଆ ବୀରଙ୍କ ଜାତକ ସମୃଦ୍ଧ
ମରେ ଅବା ମାରେ କରି ଯୁଦ୍ଧ
ପରାଣ ଆତଙ୍କେ ମରିବା ନିଷିଦ୍ଧ
ବାହୁବଳରେ ଓଡିଆ ପାଇକ ପ୍ରସିଦ୍ଧ
ପରାଜୟ ନାହିଁ ବୀର ଜାତକେ
ମରେନା କେବେ ପରାଣ ଆତଙ୍କେ
ନିଜ ରକ୍ଷା ତଥା ଜାତିର ସ୍ୱରାଜେ
ବାଜେ ଦୁନ୍ଦୁଭି ଗହ ଗହ ନାଦେ
ଘରର ଘରଣୀ ସାଜେ ଦେଈ ଟୀକା
ବୀରଭୂମି ପାଇଁ ପ୍ରସ୍ତୁତ ସେ ଯୋଦ୍ଧା
ଡର ନାହିଁ ତାର ଜାତକରେ ଲେଖା
ଖୋରଧାଗଡ ପାଇକ ପରି ସର୍ବେ ଏକା
ଆଜିବି ସ୍ୱାଭିମାନ ମଳୟର ଗନ୍ଧ
ସ୍ୱାଧିନଚେତା ପବନ ବହେ ମନ୍ଦମନ୍ଦ
ଓଡ଼ିଆ ଜାଣେନା ପ୍ରତାରଣା ଛନ୍ଦ
ପ୍ରତାରିତ କଲେ ଜାଗ୍ରତ ଓଡ଼ିଆ ଅଦ୍ୟ
ବୀରଭୂଇଁ ଓଡ଼ିଶା ପ୍ରଣାମ ଜିନ୍ଦାବାଦ।
ପରାଜୟ ନୁହେଁ ବିଜୟ ସ୍ୱେଦରେ ସ୍ଵାଦ
ମାଟି ମାଆ ପାଣି ପବନ ଅନିନ୍ଦ୍ୟ
ମାଆର ରକ୍ଷକ ଶ୍ରମିକ କୃଷକ ସୈନିକ
ମାଟିକୁ ସୁଜଳା ସୁଫଳା , ଢ଼ାଳି ନୈବେଦ୍ୟ
ପୁଣି ମାଗିଥାନ୍ତି ମାଆକୁ ଅମୃତ ଆଶିର୍ବାଦ ।
