ପୋଡ଼ା ମାଟି ର ବିଳାପ

ସେଦିନ ସମୁଦ୍ର ମନ୍ଥନରୁ କଣ ମିଳିଲା କେଜାଣି

ଆଜିଯାଏ ଦେଵ ଦାନଵର କଳି

କିନ୍ତୁ ଏମାନଙ୍କୁ ମାଟି ମନ୍ଥନରୁ

ମିଳେ ଅମୃତର ଫଳ

ଟୋକେଇ ଟୋକେଇ ଲକ୍ଷ୍ମୀ

ମାଟି ଦିନରେ ଦାନା ଦିଏ

ରାତିରେ କାନରେ କଥା କୁହେ

କଞ୍ଚା ମାଟିର ଵିଛଣା ରେ ମା' ର ବାସ୍ନା

ମାଟି ପିଣ୍ଡୁଳା ଜୀବନ୍ୟାସ ପାଏ

ମାଟି ସହ ଘାଣ୍ଟି ହୋଇ ସରିଯାଏ ଖେଳ ।

ସେମାନେ, 

ପୋଡ଼ା ମାଟିର ଚ୍ରୌହଦୀରେ

ଅହମିକାର ପୁଟି ଵୋଳି ଛଳନାର ରଂଗ ମଖା

ନଭଶ୍ଚୁମ୍ବୀ ଦାମ୍ଭିକତାର ଵେଷ୍ଟନୀରେ

ନ ଥାଏ ଯତୁଗୃହ ର ଭୟ

ଭସ୍ମୀଭୂତ ସ୍ବର୍ଣ୍ଣ ଲଙ୍କା ର ଆଶଙ୍କା ।

ଵେଳେଵେଳେ ପୋଡ଼ା ମାଟି

ଵିଳାପ କରେ

ଅଦୂର ରେ ଶୁଭୁଥାଏ କଞ୍ଚା ମାଟିର ବିଦ୍ରୃପ

ସେତେବେଳେ କୁ

ପାଦ ତଳୁ ମାଟି ଖସି ଖସି ଯାଉଥାଏ ।।