ପଞ୍ଚ ପ୍ରୟାଗ, ଉତ୍ତରାଖଣ୍ଡ

ଆମର ଗଭୀର ଓ ଅଗାଧ ବିଶ୍ୱାସ ଅଛି

ପତିତପାବନୀ ଗଙ୍ଗା ନଦୀ ଉପରେ

ଗଙ୍ଗା ପରା ଆମର ପୂଜନୀୟା ଦେବୀ 

ମାତା ସନାତନ ଧରମରେ |୧|

ଗଙ୍ଗା ନଦୀ ଧରାବତାରଣ କରିଛନ୍ତି 

ବିଷ୍ନୁଦେବଂକ ପାଦରୁ

ଜଳକୁ ରଖୁଛେ ଘରେ ଯେହେତୁ 

ଦରକାରୀ ଜୀବନଯାକ ଜନ୍ମରୁ |୨|

ଧାର୍ମିକ ସମସ୍ତ ରୀତିନୀତି ଗଙ୍ଗା ଜଳକୁ 

ଛାଡି ହୋଇ ପାରେନା

ଗଙ୍ଗା ଜଳ ବିନା ଧାର୍ମିକ ରୀତିନୀତିକୁ 

ପବିତ୍ର କେହି ମାନେନା |୩|

ପାଇବା ଆମେ ପାଂଚଟି ସ୍ଥଳ ଗଙ୍ଗା ନଦୀ 

ସହ ସମ୍ପୃକ୍ତ କହୁଛେ ପ୍ରୟାଗ

ନନ୍ଦ ପ୍ରୟାଗ, ବିଷ୍ଣୁ ପ୍ରୟାଗ, କର୍ଣ୍ଣ ପ୍ରୟାଗ, 

ଦେବ ପ୍ରୟାଗ ଓ ରୁଦ୍ର ପ୍ରୟାଗ |୪|

  

ପାଇବା ନନ୍ଦ ପ୍ରୟାଗ ନଦୀର ଉତ୍ପତ୍ତି 

ସ୍ଥାନରୁ ଅନତି ଦୂରରେ 

ଗୋପାଳ ଜୀଉ ମନ୍ଦିର ଓ ଚଣ୍ଡୀକା ମନ୍ଦିର 

ଦେଖିବା ସେଠାରେ |୫|

ଅଳକାନନ୍ଦା ସହିତ ଧବଳ ଗଙ୍ଗା ନଦୀ 

ମିଶିଛି ବିଷ୍ଣୁ ପ୍ରୟାଗରେ

ଗୋଟିଏ ବିଷ୍ଣୁ ମନ୍ଦିର ରହିଛି ଏହାର 

ସଙ୍ଗମ ସ୍ଥଳରେ |୬|

କର୍ଣ୍ଣ ପ୍ରୟାଗ, କର୍ଣ୍ଣପ୍ରଭା ସ୍ରୋତ ସହିତ 

ଅଳକାନନ୍ଦା ନଦୀର ସଙ୍ଗମ ସ୍ଥଳ

ଉମା ମନ୍ଦିର, କର୍ଣ୍ଣ ମନ୍ଦିର ଓ ଦୁର୍ଯ୍ୟୋଧନ 

ମନ୍ଦିର ଦର୍ଶନୀୟ ସ୍ଥାନ |୭|

ଅଳକାନନ୍ଦା ଓ ଭାଗିରଥି ମିଶି ଗଙ୍ଗା ନଦୀ 

ହୋଇଛି ଦେବ ପ୍ରୟାଗରେ

ରଘୁନାଥ, ଧନେଶ୍ୱର ମହାଦେବ, ନାଗରାଜ 

ମନ୍ଦିର ଦର୍ଶନୀୟ ସ୍ଥାନ ଏଠାରେ |୮|

ଗଙ୍ଗା ସହିତ ମନ୍ଦାକିନୀ ନଦୀ ମିଶିଛି ଏହି

ରୁଦ୍ର ପ୍ରୟାଗରେ

ରୁଦ୍ରନାଥ, କୋଟେଶ୍ୱର ଓ ଜଗଦମ୍ବା ମନ୍ଦିର 

ପ୍ରସିଦ୍ଧ ଏଠାରେ |୯|