ପଣା ସଙ୍କରାନ୍ତି ପଣା

ପଣା ସଙ୍କରାନ୍ତି ପଣା, 

ପାଣିବାବୁ ଘର ମଧୁପାଟଣା, 

ବାଟ ଖରଚ ଆଠଣା l

ତାଙ୍କ ଆଖି ଗୋଟେ କଣା, 

ବାଟ ବଣା ହେଲେ ଖାଇବୁ ଚଣା, 

କୋଅଟକୁ ହେବୁ ଟଣା l

ତାଙ୍କ ବାଡ଼ି ପଟେ ଖାଲ, 

ଗଛରେ ଝୁଲୁଛି ପାକଲା ବେଲ, 

ତିନୋଟି ତୋଳିକି ଚାଲ l

ଶୁଣ ସାଙ୍ଗ ନଟବର, 

ସ୍ମରି ବ୍ରହ୍ମା,ବିଷ୍ଣୁ, ଶ୍ରୀ ମହେଶ୍ୱର, 

ବେଲକୁ ଭଞ୍ଜନ କର l

ସସକୁ ବାହାର କରି, 

ମିଶାଇବ ତହିଁ ଚିନି ମିଶିରି, 

କଦଳୀ ପାଟ କପୁରି l

ଛେନା,ଶିରିଫଳ, ଦହି, 

ଫେଣ୍ଟି ଦେବ ତାକୁ ଖୁଆ ବୁଲାଇ, 

ପାଟିରୁ ଛାଡ଼ିବ ନାହିଁ l

ହୋଇଗଲା ଏବେ ପଣା, 

ସାଙ୍ଗ ସାଥୀଙ୍କୁ ତୁ ଝଅଟ ଜଣା, 

ନବଜା ବଡ଼ ବାଜଣା l

ମନେ ରଖିଥିବୁ ସାଙ୍ଗ, 

ପକାଇବୁ ନାହିଁ ସେଥିରେ ଭାଙ୍ଗ, 

ଛାଡ଼ି ଯିବ ତୋର ରଙ୍ଗ l

ଭାଙ୍ଗ ପଣା ଥରେ ଖାଇ, 

ଯମ ଭୁବନରୁ ଫେରିଛି ମୁହିଁ, 

ଦୟାକଲେ ଭାବଗ୍ରାହୀ l

ଆଜି ପଣା ସଙ୍କରାନ୍ତି, 

ପଣା ଖାଇ ଆତ୍ମା କରିବ ଶାନ୍ତି, 

ଆସୁଛି ବୈଶାଖ ତାତି l