ପକ୍ଷୀ

ପକ୍ଷୀ ତୁ ହଳଦୀ ବସନ୍ତ 

ଯେଉଁ ଋତୁ ଶୀତ କି ହେମନ୍ତ 

ତତେ ଦେଖିଦେଲେ ଲାଗେ 

ସବୁ ଅଛି ଅଛିର ସମାଦ୍ରୁତ

ଲାଗେ ବହୁତ ଆଶ୍ୱସ୍ତ 

ଭାବନାରେ ନଥାଏ ଆଦିଅନ୍ତ 

ପ୍ରାଣପକ୍ଷୀ ସତେ ଏତେ ଆଦୃତ 

ତୋ ଭିତରେ ସମାହିତ 

ଆଶା ଆଶଙ୍କା ଓ ଭବିଷ୍ୟତ 

ତୋ ରଙ୍ଗରେ ରଙ୍ଗାୟିତ 

ମନପକ୍ଷୀ ଉଡୁ ଥାଏ ଦୂର ଦିଗନ୍ତ 

ତୋ ଠାରେ କି ଜଗନ୍ନାଥ 

କୃପା ରେଣୁ ଦେଇ ବହୁତ 

କରୁଛନ୍ତି ସର୍ବେ ବଶୀଭୂତ 

ନହେଲେ କିପାଇଁ ତତେ ଦେଖିଲେ 

ଲାଗେ ଭରା କଳସୀରେ ଅମୃତ 

ତୋ ଠାରେ ଭକ୍ତି ଭାବନା ସମ୍ପୃକ୍ତ 

କି ବର୍ଷା ବୈଶାଖ ଶୀତ ବସନ୍ତ 

ପକ୍ଷୀରେ ତୁ ହୁଅ ଯେତେ ନିର୍ଲିପ୍ତ 

ମତେ ଲାଗେ ସତେ ଯୋଗ ପବିତ୍ର 

ନିଷ୍କପଟ ନିରାଶକ୍ତ ତୁ ଅନାଦି ଅନନ୍ତ 

ବଶୀଭୂତ ଜଗନ୍ନାଥ ତୋମଧ୍ୟେ କରାୟତ

ଉଡିଯାନା ମନପକ୍ଷୀ ଘୋଷୁଥା ଭାଗବତ 

ମୋ ଦେଶ ମୋ ରାଜ୍ୟ କହେ ସଦା ସତ 

ବେଦ,ଉପନିଷଦ ଦୁଇଡେଣା ଦିଶେସ୍ୱତନ୍ତ୍ର 

ତୁ ଦିଶୁ ଜଗନ୍ନାଥ ମହିମାମୟ ଶୋଭବନ୍ତ ।