ପିତାର କର୍ତ୍ତବ୍ୟ

ପିତାର କର୍ତ୍ତବ୍ୟ ଅତୀବ ମହତ୍ୱ

ପରିବାରର ସେ ମେରୁଦଣ୍ଡ ବତ |

ପିତାଙ୍କ ଆୟରେ ଚଳେ ପରିବାର

ପିତା ଜଗତରେ ଶ୍ରେଷ୍ଠ ପାରିବାର |

ବିଶାଳ ହୃଦୟ ବିଶାଳ ବିଚାର

ସତ୍ୟ ଧୈର୍ଯ୍ୟ ଧୀର ସରଳ ଉଦାର |

ଉପରକୁ ଟାଣ ଭିତରେ କୋମଳ

ସନ୍ତାନ ସେନେହୀ ଅତିଥି ବତ୍ସଳ |

ସମସ୍ତଙ୍କୁ ସମ ଭାବରେ ଦେଖନ୍ତି

ଯେଝା ଆବଶ୍ୟକ ଯୋଗାଇ ଦିଅନ୍ତି |

ଜେଜେ ଜେଜମାଙ୍କ ସେବା କରିଥାନ୍ତି

ଅସୁସ୍ଥ ହୋଇଲେ ଡାକ୍ତର ଦେଖାନ୍ତି |

ପାଠ ପଢ଼ା ପାଇଁ ପୁଅ ଝିଅଙ୍କର

ଯାହା ଯାହା ଲୋଡ଼ା ଖଞ୍ଜନ୍ତି ସତ୍ୱର |

ଦିନ ସାରା କରୁଥାନ୍ତି ବିଲ କାମ

ନଥାଏ ଭୋଜନ ନଥାଏ ବିରାମ |

ଶିରାଳ ଦେହରେ କୋଟି ସିଂହବଳ

ସବୁକାମେ ସିଏ ଦକ୍ଷ ଧୂରନ୍ଧର |

ଘର କାମ ସିନା ମା କରୁଥାଇ

ସଂସାରଟା ବାପା ଥାଆନ୍ତି ମୁଣ୍ଡାଇ |

ବାନ୍ଧବ ସୋଦର ଗ୍ରାମବାସୀଙ୍କର

ଏକାନ୍ତ ଭରସା ବାପାଙ୍କ ଉପର |

ବାପା ଆମ ପିଠି ସହେ ଅରଦଳି

ବାପା ଥିଲେ ଘରେ ହୁଏ ନାହିଁ କଳି |

ପିତାଙ୍କ ତ୍ୟାଗର ନାହିଁ ପଟାନ୍ତର

ପିଇ ଚାଲିଥାନ୍ତି ଦୁଃଖର ଜହର |

ନିଜେ ଜଳି ଜଳି ସନ୍ତାନଙ୍କ ପାଇଁ

ଖଣ୍ଡିଏ ଲୁଗାରେ ନିଅନ୍ତି ଚଳାଇ |

ନିଜେ ଖଟି ଖଟି ପେଟୁ କାଟି କୁଟି

ପଢ଼ାନ୍ତି ପିଲାଙ୍କୁ ଦେଇ ଶୁଭ ଦୃଷ୍ଟି |

ବାପ ଥିଲା ପୁଅ ସଭାରେ ହାରେନା 

ପୁଅ ପାଇଁ କେତେ କରେ କରେ କଳପନା |

ପ୍ରତ୍ୟେକ ପିତା ତ ପୁତ୍ରର ଆଦର୍ଶ

ପିତୃ ସେବା କରି ଅରଜିବା ଯଶ |