ପିତାଙ୍କ ଶିକ୍ଷା

ସନ୍ତାନ ନିମନ୍ତେ ପିତାର ଭୂମିକା

କହି ହୁଏନାହିଁ କଥାରେ 

ସରବେ ଜାଣନ୍ତି ପିତାଙ୍କ ମହତ୍ତ୍ୱ

ସବୁରି ଜୀବନ ପଥରେ ॥

ପିତାଙ୍କର ଦାନ ସନ୍ତାନ ପାଇଁକି

ସଦା ସଦା ଅତୁଳନୀୟ

ଯେତେ ସୁଝିଲେ ବି ସୁଝି ହୁଏନାହିଁ

ରହିଥାଏ ଅପୂରଣୀୟ ॥

ପିତାଙ୍କ ଠାରୁ ମୁଁ ପାଇଛି ସଂସ୍କାର

ହେବା ପାଇଁ ଭଲ ମଣିଷ

ଜୀବନେ ମୁଁ ତାହା ଉପଯୋଗ କରି

ଲଭିଅଛି ଆତ୍ମବିଶ୍ୱାସ ॥

ଦିନେ ଥିଲି ପୁତ୍ର ଆଜି ମୁହିଁ ପିତା

ପାଳିଛି ପିତାର ଧରମ

ମୋ ପିତାଙ୍କ ଶିକ୍ଷା ଦେଇଅଛି ଦୀକ୍ଷା

କରିବାକୁ ଉଚିତ କର୍ମ ॥

କିଶୋରେ ବୟେସେ ହରାଇଲି ପିତା

ଜାଣେ ସେ ତିକ୍ତ ଅନୁଭବ

ସେଥିପାଇଁ ମୋ ପିଲାଙ୍କୁ ଦେଇନାହିଁ

କେବେ ବି ପିତାର ଅଭାବ ॥