ଫୁଲ
ଫୁଲ
ସୌନ୍ଦର୍ଯ୍ୟରାଣୀ ଅଟେ ମୁଁ ପରା
ଫୁଲ ଅଟେ ମୋ ନାମ
ମନ ମୋହିବା, ବାସ ବାଣ୍ଟିବା
ଏହାହିଁ ମୋର କାମ ।
ନାନା ଋତୁରେ ,ନାନା ରଙ୍ଗରେ
ଫୁଟିକି ମୁହିଁ ବାସେ
ହେନା, ମାଳତୀ ,ଚମ୍ପା କେତକୀ
ଏହି ନାମରେ ହସେ ।
ଦିଅଁ ,ଦେବତା ପୂଜାରେ ନିତି
ଲାଗଇ ତୁମେ ଜାଣ
ମୋ ଯୋଗୁଁ ସିନା ଗଛରେ ପିଲେ
ଫଳଇ ଫଳ ମାନ ।
ଅଁଗୁର, ସେଓ, କଦଳୀ ଯେତେ
ପ୍ରକାର ଫଳ ଅଛି
ଏସବୁ ମୋର ଭାଇ ଭଉଣୀ
ଶୁଣରେ ପିଲେ ବସି ।
ଫଳ ଗୁଡ଼ିକର ଦେହ ଭିତରେ
ରହିଛି ଜୀବସାର
ସେସବୁ ନିତି ଖାଇବ ଯେବେ
ନ ହେବ ଟି ବେମାର ।