ଫୁଲ

ଟିକି ଟିକି ଫୁଲ ବଗିଚାରେ ଦେଖ

ଦିଶୁଅଛି କେଡେ ସୁମୋନହର ।

ବସନାରେ ତାଙ୍କ ଅକୃଷ୍ଟ ହୋଇଣ

ଚାଲି ଆସିଥାନ୍ତି କେତେ ଭଅଁର ।୧।

ରୂପ ରଙ୍ଗରେ ତାର ତୁଳନା ନାହିଁ 

ନାଲି ହଳଦିଆ ଭଳିକି ଭଳି ।

ବଡ଼ ଠାରୁ ସାନ ସମସ୍ତେ ନିରେଖି 

ଦୁଃଖକୁ ନିଜର ଯାଆନ୍ତି ଭୁଲି ।୨।

ଯୋଗୀ ଭୋଗୀ ସବୁ ଆଦରି ନିଅନ୍ତି 

ନିଜ କାମ ପୁରା କରିବା ପାଇଁ ।

ସରାଗେ ବଗିଚା ତିଆରି କରନ୍ତି 

ସର୍ବଦା ଅମଳ କରିବା ପାଇଁ ।୩।

ଦେହ ମୁହଁ ତାର ଦିଶେ ନିରିମଳ 

ପତର ମଧ୍ୟରେ ଥାଇ ସୁଢଳ ।

ପାଖର ଲୋକଙ୍କୁ ସରଗେ କହୁଛି

ନିଅ ବନେଇବ ସୁନ୍ଦର ମାଳ ।୪।

ଫୁଲଠାରୁ ଆମେ ସରବେ ଶିଖିବା 

ଦାନ କଲିଆଣ ସେବାର କଥା ।

ସଭିଙ୍କ ସାଥିରେ ମିଳିମିଶି ରହି

ବାଣ୍ଟିବା ଆନନ୍ଦ ସୁନ୍ଦର ବାର୍ତ୍ତା ।୫।