ଫୁଲ, ବସନ୍ତ ଓ ଗଛ

ଅଦିନରେ ଦିନେ ଫୁଲ ନଅରରେ

ଫୁଲମାନେ ଗଲେ ମିଳି

ଅଭିଯୋଗ ତାଙ୍କ ସବୁ ଫୁଲ କିଆଁ

ନେଉନି ମାଳୀଟି ତୋଳି

ଯଦି କେବେ ନିଏ ଫୁଲ ତୋଳି ମାଳି

ଠାକୁରଙ୍କ ମଥାରେ ନଦେଇ ମାରୁଛି ତାଳି

ସବୁ ଫୁଲ ଗଲେ ମିଳି

ସଭାକରି ବନ୍ଦାପନା କରିବାକୁ

ବସନ୍ତେ ଆଣିଲେ ଥାଳି

ଋତୁରାଜ ସିଏ ଫଗୁ ଦେଲା ଢାଳି

ସବୁ କଢି ଫୁଟି ହେଲେ ଫୁଲ କଳି

ଗୂଂଜନେ ଶୁଭିଲା ପକ୍ଷୀର କାକଳୀ

ପୁଣି ମଧୁପର ମିଛ ଗାଳି

ମୁରୁକି ହସିଲେ ବାଳି

ବସନ୍ତ ଆଗମନ ଗୀତିକାରେ

ହୋଇକି ସର୍ବେ ମେଳି

ଆମ୍ବବଉଳର ଫୁଲ ସୁରଭିରେ

ଗଛ ପତରରେ

କିଏଦେଲା ନେଳି ବୋଳି

ସବୁଜିମା ଏତେ ସୁନ୍ଦର ଦିଶିଲା

ବସନ୍ତେ ହସିଲେ ଫୁଲ ଦୁଲାଳି.