ଫୁଲ ଆଉ ପକ୍ଷୀ

ପ୍ରକୃତି ବୃନ୍ତର ଦୁଇଟି କଢ଼ି

ଫୁଲ ଫୁଟି ଯାଏ ଝଡି

ପକ୍ଷୀ ଦିଏ ଡେଣା ଝାଡ଼ି

ପବନରେ ମୁଣ୍ଡ ଦୋହଲାଉ ଥାଏ

ଫୁଲ କଢି ଯେବେ ଯାଏ ବଢ଼ି

ବସା ତାର ସଦା ଦୋହଲୁଥାଏ

କେବେ ଯାଇଥାଏ ଛିଡି

ଭଲଲାଗେ ଭାରି ଫୁଲ

ଦେବତା ମୁଣ୍ଡରେ ଥିଲେ ଚଢି

ଭଲଲାଗେ ଦେଖିବାକୁ

ନୀଳ ଆକାଶରେ ପକ୍ଷୀଟିଏ ସିଏ 

ଯେବେ ଯାଏ ଉଡି ଉଡି

ଉଠରେ ପୁତା ଉଠ ଉଠ

ବେଳ ତ ଯାଉଛି ଗଡି

ପକ୍ଷୀ ଡାକିଲାଣି ନିଦ ଭାଙ୍ଗି ଉଠୁ

କୁଜନ ପକ୍ଷୀର ଶୁଭୁଛି ରଡି

କଳା କାଉ କାଆ କାଆ

କୁକୁଡ଼ା କହେ କୁକୁଡୁ କୁ

ଉଠ ଉଠ ଶେଜ ଦିଅ ଛାଡି

ଫୁଲ କହେ ମତେ ତୋଳିନିଅ ଆଜି

କାଲିକି ପଡିବି ଝଡି

ଫୁଲ ଆଉ ପକ୍ଷୀ ମଣିଷ ଜୀବନେ

ଦୁର୍ଲ୍ଲଭ ସଜୀଵ ନିର୍ଜୀବ

ରହିପାରିବକି ମଣିଷ ଏ ଦୁହିଁଙ୍କୁ ଛାଡି?