ଫଗୁଣରୁ ଶ୍ରାବଣ ଯାଏ
ଫଗୁଣରୁ ଶ୍ରାବଣ ଯାଏ
ଫଗୁଣରୁ ଶ୍ରାବଣ ଯାଏ
ମନତଳେ ମୋର ହଜାରେ ଫଗୁଣ
ଦେଇଥିଲ ସଖୀ ବୁଣି
କାହିଁକି ନିର୍ଦ୍ଦୟ ହେଲ ମୋ ପାଇଁକି
ହୃଦୟକୁ ଦେଲ ହାଣି I
ଭଲ ପାଇବାର ମହା ମହୋତ୍ସବ
ପାଳୁଥିଲି ମନେ ମନେ
କେମିତି ଜାଣିବି ଏଇକଥା ଦିନେ
ଶୁଣିବି ବୋଲି ମୁଁ କାନେ I
ତୁମ ମନ ସହ ମୋ ମନ ମିଶାଇ
ଗଢିଥିଲି ସ୍ୱର୍ଗପୁର
ଜାଣି ପାରିଲିନି ପଦିଏ କଥାରେ
ଆଖି ହେଲା ଛଳଛଳ I
ପ୍ରୀତିର ପାର୍ବଣ ପାଳିବି ବୋଲି ମୁଁ
କେତେ କରିଥିଲି ଆଶା
ବାଇ ଚଢେଇ ମୁଁ ନିରାଶ୍ରୟ ହେଲି
ଭାଙ୍ଗିଗଲା ମୋର ବସା I
ମନଖୋଜେ ଯାହା ମିଳେନାହିଁ ବୋଲି
ଶୁଣିଥିଲି ଦିନେ ସଖୀ
ମୋ କପାଳେ ବିହୀ ଲେଖିଦେଲା ତାହା
ଲୁହ ଢାଳିଲା ମୋ ଆଖି I
ତଥାପି ଲୋ ସଖୀ ପ୍ରେମର କଳସ
ମଥାରେ ରଖିଛି ଧରି
ତୁମରି ନାମକୁ ଜପାମାଳି କରି
ଭବସିନ୍ଧୁ ହେବି ପାରି I