ଫେରିଆସ ବାପୁ

ଫେରିଆସ ବାପୁ ଫେରିଆସ ଥରେ

ତୁମ୍ଭ ସ୍ବପ୍ନର ଭାରତ ଦେଖିଯାଅ ଥରେ

ରାମ ରାଜ୍ୟ ରହିଲା ସ୍ବପ୍ନରେ

ରାବଣ ରାଜୁତି ଚାଲିଚି ଏଠାରେ।

ଇଂରେଜ ସିନା ଛାଡି ଚାଲିଗଲେ

ଲୋକେ ତାଙ୍କ ଆଦବ କାଇଦା ଅନୁସରିଲେ

ପରାଧୀନତାର ବେଡିଠୁ ଆହୁରି କଠିନ

ଦୁର୍ନୀତି ,ଭ୍ରଷ୍ଟଚାର, ନାରୀ ନିର୍ଯ୍ୟାତନା ।

ସତ୍ୟ ଅହିଂସାର ବାସ୍ତବ ପୂଜାରୀ

ଚାଲିଛି ଏଠାରେ ହିଂସା,ଦ୍ବେଷର ସୁପାରି

ରକ୍ତରେ ଖେଳନ୍ତି ହୋଲି ଦୁରାଚାରୀ

ଗ୍ରାସିଛି ଲୋଭ,ପାଶବିକତା ଓ ଚୋରି ।

କେତେ କଷ୍ଟ ସହି ସତ୍ୟାଗ୍ରହ କରି

ପରାଧିନତାର ବେଡି ଥିଲ ଫିଟାଇ

ଲାଗୁଛି ଦୁଃଖ ଦେଖି ଏ ଦୁର୍ନୀତି

ଫେରିଆସି ଥରେ ଦିଅ ସଜାଇ ।