ପଦଟିଏ ତୋ ନାଁରେ ପ୍ରିୟା-୮

ଚାତକ କି କେବେ ବର୍ଷାକୁ କହେ 

ଆସ ନାହିଁ ତୁମେ ଆସ ନାହିଁ 

ପିକ ବସନ୍ତକୁ ବାରତା ଦିଏ କି 

ଅଧା ବାଟୁ ଫେରିଯିବା ପାଇଁ ?

ଗୋଲାପ କି କେବେ ମନା କରିପାରେ 

ପରଜାପତିର ଚୁମ୍ବନ

ପଙ୍କଜ କି କେବେ ମନା କରିପାରେ 

ନ ଦେଖିଲେ ଅଂଶୁ ବଦନ ?

ଶ୍ୟାମ ଗିରିରାଜ ଚୂଡ଼ାରେ ବଉଦ 

ଦେଖି ଶିଖି କିବା ସ୍ଥିର ରହେ 

କଦମ୍ବ ମୂଳରେ  କୃଷ୍ଣ ନିରୋଳାରେ 

ବସିଲେ କି ତାର ଶୋଭାପାଏ ?

କିପରି ଲେଖିଲୁ ଜୀବନ ଧନ ମୋ 

ମୋତେ ତୁମେ ଭୁଲି ଯାଅ ବୋଲି 

ସପନ ସାଗରେ ଓଦା ବାଲି ପରି 

ତୋ ପ୍ରେମ ଥିଲା କି ଓଦା ବାଲି ?