Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

PRASANTA KUMAR MAHAPATRA

Romance

4.0  

PRASANTA KUMAR MAHAPATRA

Romance

ପଦଟିଏ ତୋ ନାଁରେ ପ୍ରିୟା ୪୪

ପଦଟିଏ ତୋ ନାଁରେ ପ୍ରିୟା ୪୪

1 min
275


ଶୀତୁଆ ସକାଳର

ସୂର୍ଯ୍ୟଙ୍କ ସୁନେଲୀ କିରଣରେ

ଚକ୍ ମକ୍ ଚକ୍ ମକ୍ ହେଉଥିବା

କାକର ଟୋପା ଭିତରେ

ତୁମର ହସ ହସ ମୁହଁ ଦେଖେ ତ

ପରସ୍ତ ପରସ୍ତ ଶୀତ ବସ୍ତ୍ର ଉତୁରିଯାଏ ।

ବରଫ ହୃଦୟ ପାଣି ହୋଇ ବହେ ।


ବଣ ପାହାଡ ଭିତରେ

କୁଳୁ କୁଳୁ ବହିଯାଉଥିବା

ଝରଣାର ପାଣିରେ

ତୁମର ସୁମଧୁର କଣ୍ଠସ୍ଵର ବହିଆସେ ତ

ବ୍ରାହ୍ମ ମୁହୂର୍ତ୍ତରେ ତର୍ପଣ କରି

ବ୍ରହ୍ମଚର୍ଯ୍ୟ ମାଗୁ ମାଗୁ ମୁଁ

ଅଚାନକ ପିତୃତ୍ଵ ମାଗିବସେ ।


ନଈ ପଠାରେ ସାନ୍ଧ୍ୟଭ୍ରମଣ କରୁ କରୁ

କାଚ କେନ୍ଦୁ ପାଣି ଭିତରେ

ତୁମ ମୁହଁ ପୂର୍ଣିମା ଚାନ୍ଦ ସହ

ଉଦ୍ଭାସିତ ହୁଏ ତ

ହଠାତ ଡେଇଁ ପଡି

ମୃତ୍ୟୁକୁ ଆବୋରି ନେବାକୁ ଇଚ୍ଛା ହୁଏ ।


ଏଇମିତି ବାରମ୍ବାର

ତୁମ ସହ ଭେଟ ହୁଏ

କିନ୍ତୁ କୋଉଠି

ତୁମ ଛୁଆଁ ମିଳେନି ।

 

ଶେଷରେ କବିତା ଲେଖିବସେ

ଆଉ ତା’ ଭିତରେ ହିଁ

ତୁମକୁ ମୁଁ ଛୁଇଁପାରେ ,

ଚୁମିପାରେ, ଅନ୍ତରଙ୍ଗ କରିପାରେ;

ଛାତିରେ ମୋ ବାନ୍ଧି ରଖିପାରେ । 


Rate this content
Log in