ପାଉଁଶ ତଳର ସ୍ବପ୍ନ
ପାଉଁଶ ତଳର ସ୍ବପ୍ନ
1 min
416
ପାଉଁଶ ତଳେତ ପୋତି ହୋଇଗଲା
ହଜାରେ ଆଖିର ସ୍ବପ୍ନ
ଅକାଳରେ କାଳ ଝାମ୍ପି ନେଇଗଲା
କଞ୍ଚା ବୟସର ମନ ।
ପାଉଁଶ ଉପରେ ପାଉଁଶର ଗଦା
ଗଦା ହୋଇଥାଏ ଶବ
ଭାବ ଖୋଜିବାକୁ ସମୟ ଅଭାବ
ସାତସିଆଁ ଭାବନାବ ।
ଛେଉଁଣ୍ଡ ଛୁଆଙ୍କୁ ଅନେଇ ହେଉନି
ସମ୍ଭାଳି ହେଉନି କୋହ
ପାଉଁଶ ହୋଇଲା ସପନ ତାଙ୍କରି
କିଏ ପୋଛିଦେବ ଲୁହ।
ବୁଢା ବାପା ମାଆ କାନ୍ଧ ରେ ବୋହିଲେ
ପୁଅ ବୋହୂଙ୍କର ଶବ
ପାଉଁଶ ହୋଇଲା ସପନ ତାଙ୍କର
ଧୋଇଗଲା ସବୁ ରଙ୍ଗ ।
କରୋନା ପାଇଁକି ମାଟିରୁ ଆକାଶ
ଚାରିଆଡେ ହାହାକାର
କରୋନା ମାନେନି ଧନୀ କି ଗରିବ
ସବୁକଲା ଛାରଖାର ।