ଲାଇବ୍ରେରୀ
ପ୍ରୋଫାଇଲ୍
ପାଠ ପଢିବା ଆସରେ ପିଲେ
ପାଠ ପଢିବା ଆସରେ ପିଲେ
1 min
177
ପାଠ ପଢିବା ଆସରେ ପିଲେ
ପାଠ ପଢିବା ଆସ
ପଢିଲେ ପାଠ ବଢିବା ଆମେ
ଗଢିବା ଏଇ ଦେଶ ll
ଲଭିଲେ ଜ୍ଞାନ ଆମ ଜୀବନ
ହୋଇବ ସୁଖମୟ
ପରମ ବିତ ଏଇ ସଂସାରେ
ବିଦ୍ୟାର ନାହିଁ କ୍ଷୟ ll
ବିଦ୍ୟାର ଧନ ଏଇ ଜୀବନେ
କରିଲେ ଉପାର୍ଜନ
ଏ ମାଟି କୋଳେ ଆଉ କିଛିର
ନାହିଁ ତ ପ୍ରୟୋଜନ ll
ବିଦ୍ୟାର ଧନ ଜୀବନ ପଥେ
ପୁଲକ ଦେବ ଭରି
ଦୁଃଖ-ଯାତନା ଅଭାବ ସବୁ
ଜୀବନେ ଯିବ ସରି ll
ଶିକ୍ଷାର ବଳେ ଦକ୍ଷତା ଆମ
ହେବରେ ଦୃଢ଼ୀଭୂତ
ଯୋଗ୍ୟତା ବଳେ ଜୀବନ ହେବ
ସମୃଦ୍ଧ ଶକ୍ତିମନ୍ତ ll
ଆମେରେ ସବୁ କରିବା ଆସ
ସାକ୍ଷର ଅଭିଯାନ
ଏଇ ମାଟିର ଦେଶ ଜାତିର
ରଖିବା ଆମେ ମାନ ll
ବିଦ୍ୟା ଧାରଣେ ସୁନ୍ଦର ହୁଏ
ଏଇ ଜୀବନ ପଥ
ବିଦ୍ୟା ନୁହଁଇ ବଇରୀ କା'ର
ଅଟେ ପରମ ମିତ ll
