ପାରିବାରିକ କଳହ

ଦିନକୁ ଦିନକୁ ସମାଜରେ ଏବେ

ଘଟଣା ନୂଆ ଘଟୁଛି

ପରିବାର ମଧ୍ୟେ ସମ୍ପର୍କର ଡୋରି

ଛିଡି ଯେ ଶିଘ୍ର ଯାଉଛି 

ସ୍ୱାମୀ ସ୍ତ୍ରୀ ମଧ୍ୟେ ବୁଝାମଣା ଆଉ

ଆଗ ଭଳି ରହୁନାହିଁ

ବୁଝାମଣା ଆଉ ରହୁନାହିଁ ବୋଲି 

ପରିବାର ଚାଲୁନାହିଁ 

ଛୋଟ ଛୋଟ କଥା ବଡ଼ ହେଉଅଛି

ଧୈର୍ଯ୍ୟ କା ମନରେ ନାହିଁ

ସହିବାର ଶକ୍ତି ଦୂରର କଥା ଯେ

କଥା କେ ଶୁଣନ୍ତି ନାହିଁ 

ହସ ଖୁସିରେ ତ ଫୁଟୁଥିବା ଘର

କ୍ଷଣକରେ ଭାଙ୍ଗିଯାଏ

ଛୋଟ ପବନ ବି ଆସି ଜୀବନରେ

ସବୁ କିଛି ସାରିଦିଏ 

ପାରିବାରିକ ଏ କଳହ କାରଣ

ଅନେକ ତ ରହିଅଛି

ସମାଜରେ ଏବେ ଆସ୍ତେ ଆସ୍ତେ କରି

ବଢି ଏହା ଯାଉଅଛି 

ପାରିବାରିକ ଏ କଳହର ନିଆଁ 

ଘରେ ଖାଲି ରହେ ନାହିଁ

ଆସ୍ତେ ଆସ୍ତେ କରି ସମାଜକୁ ଏହା

ଜାଳି ପୋଦିଦିଏ ତହିଁ 

ନିଶା ଜିନିଷର ସେବନ ବି ଏକ 

ମୁଖ୍ୟ କାରଣ ତ ହୁଏ

ନିଶାର କବଳେ ଘାଣ୍ଟି ହେଲା ପରେ

ପରିବାରେ କଳି ହୁଏ 

ସେଇ କଳି ଯେବେ ଅତି ହୋଇଯାଏ 

କଳହର ରୂପ ନିଏ

ପରିବାରକୁ ଭାଙ୍ଗିଦେବା ପାଇଁ

ଇନ୍ଧନ ଯୋଗାଇ ଦିଏ 

ସ୍ୱାମୀ ସ୍ତ୍ରୀ ମଧ୍ୟେ ବୁଝାମଣା ଯଦି

ସବୁବେଳେ ରହିଥିବ

ପାରିବାରିକ ଏ କଳହର ଝଡ଼ 

କେବେ ବି କଷ୍ଟ ନ ଦେବ 

ତୁମ ଠାରୁ ଦେଖି ଶିଖିବେ ତ ଛୁଆ 

ସେମାନେ ତାହା କରିବେ

ବଡ଼ ହେଲା ପରେ ସମାଜରେ ସିଏ

ଏଇ ଭାବନା ରଖିବେ

ଜୀବନକୁ ଭଲ ଭାବେ ବୁଝିକରି

ପରିବାରକୁ ତ ଗଢ଼

କଳହ ଭାବନା ଦୂରେଇକି ମନେ

ଆଗକୁ ଯେ ତୁମେ ବଢ