ପାପୀ କବଳରେ ଶାରୀ
ପାପୀ କବଳରେ ଶାରୀ
ଶାରୀ ମୁକ୍ତ ଆକାଶର ବିହଙ୍ଗ
ମନରେ ଅସୁମାରୀ ଆଶା
ପ୍ରକୃତି କୋଳ ରେ ବେଶ୍ ଖୁସି
ଖୋଲା ହୃଦୟ ରେ ଉଡୁଛି
ଏ ଡାଳ ରୁ ସେ ଡାଳ ।
ପାପୀ ର ପାପ ଦୃଷ୍ଟିରେ ଶାରୀ
ଶାରୀ କୁ କରାୟତ କରିବ
ପ୍ରଲୋଭନ ଦେଖାଇ ଆକର୍ଷିତ କରିବ
ରାଜି ନ ହେଲେ ବଳାକ୍ତାର
ଯେମିତି ହେଲେ ଶାରୀ ରହୁ ପଞ୍ଜୁରୀ ଭିତରେ
କିଛି ନ ହେଲେ ଶାରୀ ର ହତ୍ୟା।
ବିଚରା ଶାରୀ
କଣ କରିବ,ମୁକ୍ତି ପାଇଁ ନିବେଦନ ସହିତ
ପ୍ରାଣ ଭିକ୍ଷା ବି କରିବ
ନିଜକୁ ରକ୍ଷା ପାଇଁ ପାପୀ କବଳ ରୁ
ଆର୍ତ୍ତ ଚିକ୍ତ୍ତାର ସହିତ
ସାହାଯ୍ୟ ପାଇଁ ହାତ ଯୋଡ଼ିବ।
ପାପୀଙ୍କ ଅତ୍ୟାଚାର ପୁରାଣ କାଳରୁ
ସିତା,ଦ୍ରୌପଦୀ ର କଥା
ଶାରୀ ପରି ଥିଲା ଜୀବନ ଶୈଳୀ
ପାପୀଙ୍କ ନଜର ରେ ହେଲେ କବଳିତ
କେମିତି ଥିଲେ ପାପ ପଞ୍ଜୁରୀରେ
ବେଶ୍ ଜଣାଶୁଣା ସଭ୍ୟ ସମାଜରେ।
ପାପ ର ପରିଣାମ ବଡ ଭୟଙ୍କର
ପାପ ଓ ପାପୀ ,ସମୟ ଚକ୍ରରେ ବ୍ୟତିରେକ
ପାପ ର ଧାରା ସିମୀତ ରହିଛି
ପାପୀ ବି ନିପାତ ହୋଇଛି
ସତ୍ୟ ଧର୍ମ ର ଜୟ ହୋଇଛି।
ବିଗତ ଦିନର ନିର୍ଭୟା
ନିର୍ଭୟା ବି ଶାରୀ ଥିଲା
ପାପୀ କବଳରେ ହେଲା କବଳିତ
ପଞ୍ଜୁରୀ ରେ ଆବଦ୍ଧ ହେଉ ହେଉ
ଜୀବନ ରକ୍ଷା ପାଇଁ ଆକୁଳ ନିବେଦନ
ପାପୀଙ୍କ ପାଇଁ ଅକାଳରେ ହାରିଲା ଜିବନ।
ମଣିପୁର ପାପୀ ର ପାପ,ଚଳନ୍ତି ଘଟଣା
ଶାରୀ କୁ ଉଲଗ୍ନ କରିଛି ଦିନ ଆଲୁଅରେ
ପାପିର ବାହୁ ପଞ୍ଜୁରୀରେ ,ଶାରୀ କବଳିତ
ଜୀବନ ଭିକ୍ଷା ପାଇଁ ଆର୍ତ୍ତ ଚିକ୍ତାର
ଶାରୀ ର ସୁରକ୍ଷା ପାଇଁ ଯିଏ ବି ଆସୁଛି
ପାପୀଙ୍କ ଦ୍ଵାରା ହୋଇଛି ନିହତ।
କେତେଦିନ ଚାଲିଥିବ ପାପୀଙ୍କ ରାଜୁତି
କିଏ ଦେବ ଶାରୀଙ୍କୁ ସୁରକ୍ଷା !
ଈଶ୍ୱର ଓ ସରକାର ସବୁ ଆମ ଭିତରେ
ଆମ ଚେତନାରେ ଇଶ୍ଵର
ଆମ ଶକ୍ତିରେ ସରକାର
ଆମକୁ ଜାଗ୍ରତ ହେବାକୁ ହେବ
ଶାରୀ ବି ଶିକ୍ଷା ପାଉ ଆତ୍ମରକ୍ଷା ର କୌଶଳ
ଜନ ସଚେତନତା ନିହାତି ଜରୁରୀ
ପାପୀ ହୋଇବେ ନିପାତ, ଶାରୀ ହେବ ସୁରକ୍ଷିତ।