ଓଡ଼ିଆ ଜାତିର ଲଢୁଆ ବୀର-ଲୁଣିଆଁ ଗୁଳିକାଣ୍ଡ

ଅଗଷ୍ଟ ବିପ୍ଲବ ସରିଲା,

ଖୋଜି ଖୋଜି ବୀର ସଂଗ୍ରାମୀ ମାନଙ୍କୁ-

ପୁଲିସ ଗିରଫ କରିଲା |

ବେଆଇନ ହେଲା କଂଗ୍ରେସ,

ଜବଦ ଚାଲିଲା ପ୍ରଚାର ପତ୍ର-

ଚାରିଆଡ଼େ ଖାନତଲାସ |

ଲୁଣିଆଁ ଗାଆଁର ବିପ୍ଲବୀ,

କଣ୍ଟାପାରି ଗାଆଁ ଲୋକଙ୍କୁ ମତେଇ-

ମୁରଲୀକୁ କଲେ ମୁରବୀ |

ଲୁଚିକଲେ ସଭା ସମିତି,

ଗିରଫ ନହୋଇ କରିବେ ସଂଗ୍ରାମ-

ସଭାରେ ହୋଇଲା ନିଷ୍ପତ୍ତି |

ଧୁଷୁରିକୁ ଗଲେ ପୁଲିସ,

ଟୋପି ବନ୍ଧୁକକୁ ବିଦ୍ରୋହୀଙ୍କୁ ଦେଇ-

କ୍ଷମାମାଗି କଲେ ସାଲିସ |

ମାଗିଥିଲେ କ୍ଷମା କପଟେ,

ହୁକୁମ ଆସିଲା ଚଲା ଏବେ ଗୁଳି-

ଯାହାକୁ ଦେଖୁଛ ନିକଟେ |

ଥିଲେ ଯେତେ ଦେଶ ଭକତ,

ଛାତିକୁ ପତେଇ ନଅଜଣ ବୀର-

ଢାଳିଦେଲେ ନିଜ ରକତ |

000 (1942 ସେପ୍ଟେମ୍ବର)