ଓଲୁଅ କଣ୍ଡୁ

ଓଲୁଅ କଣ୍ଡୁ ମରିନି ଆଉ 

ଛାଡ଼ିନି ତାର ଗଲୁ,

ପାଠକୁ ଯେତେ ଘୋଷାଇଦେଲେ

ସୁଧୁରେ ନାହିଁ ଓଲୁ !

ବଢ଼ିଲେ ରାତି ଅହନ୍ତା ପେଚା

ବିକଟ ଛାଡ଼େ ରାବ,

ଅଭାବ ହେଲେ ଶବଦ ଘର

ହୁଏନି ଲେଖି ଭାବ !

ଅଭ୍ୟାସ ଦେହି ଯାହାର ନାହିଁ

ପାଚିଲା କାଳେ ଚୁଟି,

ବାହାନା କାମ ଦୁନିଆ ସାରେ

ହଜାରେ କରି ତ୍ରୁଟି !

ହାବେଳି ପରି ଛାଡ଼ିବା ବାଣ

କଥାରେ ସର ପାଣି,

ପତର ଖଡ଼ ଶୁଣିଲେ ଛେରେ

ବୀରକୁ ମିଛ ଠାଣି !

ଚଉକି ବସି ଲେଉଟି ପଡ଼େ

ଜାଣିନି ଠିକ୍ ବସି,

କଥାରେ ଦମ୍ ଜମାରୁ ନାହିଁ

ବେଳକୁ ଦିଏ କାଶି !

ଚିହ୍ନରା ଯିଏ ଠକକୁ ଚିହ୍ନ

ଫସନି ଟେକା ଟେକି,

ନାକ ଗଳେଇ ଛିଙ୍କନ୍ତି ଯିଏ

ସୁବିଧାବାଦୀ ବାକି !