ଲାଇବ୍ରେରୀ
ପ୍ରୋଫାଇଲ୍
ସହି ହେଉ ନାହିଁ ଆଉ
ସହି ହେଉ ନାହିଁ ଆଉ
1 min
141
ବୋଉଲୋ ବୋଉ ବୋଉ ଲୋ ବୋଉ
ଜୀବ ଛାଡିଯିବ କି ଆଉ
ସହିହେଉ ନାହିଁ ରବିଙ୍କ ଦାଉ
ବଢି ବଢି ଚାଲେ ସୂର୍ଯ୍ୟଙ୍କ ଭାଉ
ଅଗ୍ନି ବର୍ଷା ହୁଏ କି ଆଉ!
ଖରା ହୁଏ ଟାଇଁ ଟାଇଁ
ଦେହ ହାତ ଝାଇଁ ଝାଇଁ
ଗମ ଗମ ହୋଇ
ବହିଯାଏ ଝାଳ
ବୁଦ୍ଧିଯାଏ ବଣା ହୋଇ
ଗଛ ପକାଇଲୁ ହାଣି
ଗଢି କାରଖାନା, ଖୋଳି ଖଣି
ଗାଡି ମଟରର ଧୂଆଁ
ଦୂଷିତ ଭୂମିରୁ ଭୂମା
ଓଜନ ସ୍ତରେର କଣା
ସବୁଜ ଘରେ ବି ପ୍ରଦୂଷିତ
ଆପଣା ହତେ ଜିଭ କାଟି
ଆନ ପରେ ଦୋଷ ଦେଉଛୁ ଲଦି
ସୂରୁଜ ଯାଇଛି ରାଗି
ଦେଉଛି ନିଆଁ ବରଷି
ବୋଉଲୋ ବୋଉ
ସହି ହେଉ ନାହିଁ
ଅରୁଣ କୋପ ଆଉ
ବୋଉଲୋ ବୋଉ
ପ୍ରକୃତି ସାଧୁଛି ଦାଉ
ସହି ହେଉ ନାହିଁ ଆଉ
କେବେ ଚେତିବା ଲୋ ଆମେ ଆଉ ।
