ତୁମ ବିୟୁଟି ଯିବ ଚହଲି
ତୁମ ବିୟୁଟି ଯିବ ଚହଲି
ଆମ ଧୋତିକୁ ତୁମେ ପଟିଆଲା କଲ
ପାଇଜାମାକୁ କଲ ପ୍ଲାଜୋ
ଆମ ପଞ୍ଜାବୀକୁ କଲ ଚୁଡ଼ିଦାର ପୁଣି
ବୟ କଟ କରି ହୁଅ ସଜ
ତୁମ ପାଇଁ ଦୋଳ ରଜ
ଆମ ପାଇଁ କେଉଁ ବା ରଖିଛ ପରବ
ତୁମ ପାଇଁ ଯେତେ ସାଜ।
ଆମ ହାଫ ପ୍ୟାଣ୍ଟ ତୁମେ ପିନ୍ଧିଲଣି ନେଇ
ଆମ ଫୁଲ ସାର୍ଟ ପ୍ୟାଣ୍ଟ ପୁଣି ପିନ୍ଧ
ଆମ ଭଳି ଏବେ ଜୋତା ପିନ୍ଧିଲଣି
ଆମ ଫଟା ଜିନ୍ସ ବି ପିନ୍ଧ
କାହାକୁ ବା କହିବା ମନ୍ଦ,
ଆମ ପରି ତୁମେ ଢିଲା ଗଞ୍ଜି ପିନ୍ଧି
ଯେତେ ଟୋକାଙ୍କୁ ଫାଶରେ ଫାନ୍ଦ।
କେତେ ଆଉ ପ୍ରତିଯୋଗିତା କରିବ
ତୁମେ ଆମ ପରି ହେବ ବୋଲି,
ଆମ ନିଶ ଦାଢ଼ି ନେଇ ଦେଖ ଥରେ ଅଧେ
ତୁମ ବିୟୁଟି ଯିବ ଚହଲି
ଆଉ କରନା ଓଠକୁ ନାଲି
ରଙ୍ଗାଇ ତୁମର ନିଶ ଦାଢ଼ି ଏବେ
ଦିଶୁଥିବ ଝିଲିମିଲି।