ଓଡିଶା ରାଇଜ ଭାରି ସୁନ୍ଦର
ଓଡିଶା ରାଇଜ ଭାରି ସୁନ୍ଦର
ଓଡ଼ିଶା ରାଇଜ ଭାରି ସୁନ୍ଦର
ତା'ର ରାଜଧାନୀ ଭୁବନେଶ୍ୱର
ଓଡ଼ିଆ ଭାଷା ମୋ ଅତି ମଧୁର
ସଭିଏଁ କରିବା ତା'ର ଆଦର ।
ମନ୍ଦିର ମାଳିନୀ ଆମ ଓଡ଼ିଶା
ଜଗନ୍ନାଥ ପ୍ରଭୁ ଆମ ଭରଷା
ଚାଷବାସ ଆମ କୂଳ ବେଉସା
ଆମ ପ୍ରିୟ ଖାଦ୍ୟ ପଖାଳ କଂସା ।
ଓଡିଶା ସଂସ୍କୃତି ଅତି ମହାନ
ରଖିବା ଆମେରେ ତା'ର ସମ୍ମାନ
ଓଡ଼ିଆ ପରବ ଆମ ଜୀବନ
ଶିଖାଏ ଆମକୁ ଏକତା ଗୁଣ ।
କୋଣାର୍କ କହୁଛି ଧରମାକଥା
ଅତିଥି ପୂଜିବା ଆମରି ପ୍ରଥା
ଇତିହାସ କହେ ଓଡ଼ିଶା କଥା
ଗରବେ ଟେକିବା ଆମରି ମଥା ।
ଓଡ଼ିଶାର ଗୀତ ଓଡିଶୀ ନୃତ୍ୟ
ବିଶ୍ୱ ଦରବାରେ ହୁଏ ପୂଜିତ
ସାହସୀ ବାଳକ ବାଜି ରାଉତ
ବ୍ରାହ୍ମଣୀ ଗାଉଛି ତା'ର ବୀରତ୍ୱ ।
ଲକ୍ଷ୍ମଣ, ବିର୍ଶାଙ୍କ ଦେଶ ପୀରତି
କେବେ ଭୁଲିନାହିଁ ଓଡ଼ିଆ ଜାତି
ରାଜା ମହାରାଜା ଅମର କୀର୍ତ୍ତି
ଆମରି ବିଶ୍ୱାସ ଆମ ଶକତି ।
ଏମିତି ରାଇଜ ଜଗତେ ନାହିଁ
ସବୁ ଧରମର ଲୋକଙ୍କ ପାଇଁ
ସଭିଏଁ ରହୁଛୁ ଏକାଠି ହୋଇ
ଧନ୍ୟ ମୋ ଓଡିଶା ମାଆଟି ସେହି ।