ନ୍ୟାୟ ପାଇଁ ଆଇନଜ୍ଞ
ନ୍ୟାୟ ପାଇଁ ଆଇନଜ୍ଞ
ମୋର ବିଜ୍ଞ ବନ୍ଧୁ ଅଧିବକ୍ତା ଗଣ
ମହାଯୁଦ୍ଧେ ଜୟ ହେଉ କରି ପଣ ।
ଏ ସମୟ ନୁହେଁ ଭାଂଗିପଡିବାର
ନିଜ ଶକ୍ତି ସଂଘେ ଦେଇ ଯୁଝିବାର।
ଜନ ପ୍ରାଣେ ବ୍ରତୀ ସ୍ୱାସ୍ଥ୍ୟକର୍ମୀ ତୁମେ
ଜନ ସ୍ୱାର୍ଥ ନ୍ୟାୟ ସୁରକ୍ଷାରେ ଆମେ ।
ସମୟର ଦାବୀ ନିରୋଗ ସମାଜ
ବୈଦ୍ୟଙ୍କ ହାତରେ ସମୁଦ୍ରେ ଜାହାଜ ।
ସୀମା ସୁରକ୍ଷା ଯେ ସୈନିକଙ୍କ ଯଜ୍ଞ
ସଂବିଧାନେ ନ୍ୟାୟ ପାଇଁ ଆଇନଜ୍ଞ ।
ଦେଶ ସ୍ୱାଧୀନତା ତ୍ୟାଗେ ଅଧିବକ୍ତା
ମଧୁ ଗୋପବନ୍ଧୁ କେତେ ମଣି ମୁକ୍ତା ।
ଧୈର୍ଯ୍ୟ ମିତବ୍ୟୟିତା ହିଁ ଏକ ମନ୍ତ୍ର
ସଂଘବଦ୍ଧ ହେବା ସଭିଏଁ ସର୍ବତ୍ର ।
ଜନାଧିକାରେ ଲଢି ଅମଲାତନ୍ତ୍ର
କରିବୁ ଆମ ଏକ ଛବି ସ୍ୱତନ୍ତ୍ର ।
ନୂଆ ଦିନ ଦିଗ ନିଶ୍ଚୟ ଆସିବ
ସୁସ୍ଥ ଓ ସ୍ୱଚ୍ଛଳ ସମାଜ ସାଜିବ ।
ବ୍ୟକ୍ତି ସାମାଜିକ ଅଧିକାର ପାଇଁ
ନ୍ୟାର୍ଯ୍ୟେ ସେବା ଦେବା ନ୍ୟୟାଳୟେ ଯାଇ ।
ମନନ ମନ୍ଥନ କର ଏକା ହୋଇ
ବିଜ୍ଞ ଅଧିବକ୍ତା ମୋ ଭଉଣୀ ଭାଇ ।