ନୂଆ ବରଷଟି ଆସୁଛି

ଶୀତ ଯାଇନାହିଁ

ଖରା ଆସି ନାହିଁ

       ବଦଳିନି ପାଣି,ପବନ,

ଛୁଇଁନାହିଁ ମାଟି

ଗିରିଷମ ତାତି

         ତଥାପି ହସୁଛି ଭୂବନ ।

ଚାରିଆଡେ ଶୁଭେ

ଆତସ ବାଜିର

         ଟମକ ନିଶାଣ ଶବଦ ,

ବିନା ବଜ୍ରପାତେ

କମ୍ପୁଛି ମେଦିନୀ

         ଢୋଲ, ମହୁରୀର ଆବାଦ ।

ଆଲୋକ ମାଳାରେ

ଝଲସୁଛି ଧରା

        ନୂଆ ବରଷଟି ଆସୁଛି,

ସାରାରାତି ଆଜି

ଫୁଲରେ ଅତରେ

          ମହମହ ହୋଇ ବାସୁଛି ।

ଆସ ସାଙ୍ଗସାଥି

ଭେଦଭାବ ଭୁଲି

            ନାଚିବା, ଗାଇବା, ହସିବା,

ରଙ୍ଗ ତୁଳି ଧରି

ନୂଆ ବରଷର

            ନୂଆ ଛବି ଆଙ୍କି ବସିବା ।

ଭୁଲିଯିବା ଆମେ

ରାଗରୁଷା ମନୁ

        ବିଗତ ଦିନର ଘଟଣା,

ବାଇଶି ଆଣିବ

ସୁଖର ବେଭାର

          ଆଗରୁ ପରାସେ କହିଛି ।

ସଭିଙ୍କ ଓଠରେ

ଭରିଦେଉ ହସ

           ଖୁସିର ପସରା ମେଲେଇ,

ଦୁଃଖ ଦରିଆରେ

ଭାସିଯାଉ ନାଆ

             ଟାଣି ସୁଖ, ଶାନ୍ତି ତଲେଇ ।।