ନୂଆ ବରଷ ମୁଁ କହେ
ନୂଆ ବରଷ ମୁଁ କହେ
ନୂଆ ବରଷ ମୁଁ, ମୁହିଁ ନିରୀମାଖୀ,
ଆଦରରେ ଆଜି କହେ ।
ହେ ଭାଇ ଭଉଣୀ, ଭଦ୍ର ନର ନାରୀ,
ଅଭିନନ୍ଦନ ଜଣାଏ ।।
ଆସୁଅଛି ମୁହିଁ, ଆଗକୁ ଆସିବି,
କେତେ ନୂଆ ସ୍ୱପ୍ନ ନେଇ ।
କାହାକୁ କନ୍ଧାଏ, କାହାକୁ ହସାଏ,
ନିଜ କର୍ମ ସାଥେ ରହି ।।
ଉଣେଇଶ ଗଲା, କୋଡିଏ ଆସିଲା,
ଏମିତି ମୁଁ ବଢୁ ଥିବି ।
ଜନ୍ମ ମୃତ୍ୟୁ ସାଥେ, ରହି ମୁଁ ଜଡ଼ିତ,
ଚଲା ପଥେ ଚାଲି ଯିବି ।।
ବଞ୍ଚିବା ଆକାଂକ୍ଷା, ସବୁରି ହୃଦୟେ,
ପ୍ରାଣୀଠୁଁ ଉଦ୍ଭିଦ ଯାଏ ।
ନିଜେ ବଞ୍ଚି ଯଦି, ବଞ୍ଚାଏ ଅନ୍ୟକୁ,
ଜ୍ଞାନୀ ଗୁଣି ସେ ବୋଲାଏ ।।
ଜୀବ ହତ୍ୟା କରି, ସୁଖର ଆଶାରେ,
ମଦ୍ୟପାନ ନାଚ ଗୀତ ।
କ୍ଷଣିକ ସୁଖକୁ, ଆଦରିଣ ବନ୍ଧୁ,
ଅଧର୍ମକୁ କର ମିତ ।।
ଉଚ୍ଚ ଶବ୍ଦ ଧ୍ୱନି, ବାୟୁ ପ୍ରଦ୍ୟୁଷଣ,
ମଦ୍ୟପାନ ପାଇଁ ରୋଗ ।
ନୂଆ ବରଷକୁ, ଧର୍ମ କାର୍ଯ୍ୟ ପାଇଁ,
କରହେ ସର୍ବେ ଉତ୍ସର୍ଗ ।।