ନୂଆ ବୋହୂର ନୂଆ ଆଇଟମ୍

ରୋଷେଇ କରିଛି ନୂଆ ବୋହୂ ଆମର

ଶାଗ ଖରଡିଛି ଦେଇ ଧନିଆପତର ।

କାକୁଡି ପୋଡାକୁ ଭାକୁର ସିଝା

ଲୁଣିଆ ଭାତକୁ ଟମାଟୋ ଭଜା ।

ବିନା ହଳଦୀରେ ଡାଲି ହୋଇଛି

ମାଂସ ଝୋଳରେ କଖାରୁ ପଡିଛି ।

କଳା, ନାଲିଆ ପାମ୍ପଡ ଛଣା

ଗାଜର ରାଇରେ ବିଟ୍ ବଣା ।

ଦହିରେ ଭାସୁଛି ନାଲିଆ ବରା

କନ୍ଦମୂଳ ବେସରକୁ ଛୁଇଁ ଠାକରା ।

ଶ୍ବଶୁର କହିଲେ ଯାହା ତ କଲ

ଆଣିଲ ଟିକିଏ ସୋରିଷ ତେଲ ।

ବୋହୂ ଆଣିଲା ମହୁ ବୋତଲ

ରାଗି କି, ହସି କି ଶାଶୁ ବେହାଲ ।

ନଣନ୍ଦ କହିଲା ମଧୁର

ଯଦି ଥାଆନ୍ତା ଗ୍ରାମାକ୍ସିନ ପାଉଡର ।

ଢାଳିଥାନ୍ତ ଭାବି କର୍ଣ୍ଣ ଫ୍ଲାଓ୍ବାର

ଆମ ବଂଶ ହୋଇଥାନ୍ତା ଉଦ୍ଧାର ।