ନନ୍ଦରାଣୀଙ୍କ ବିଳାପ.୪

ରଙ୍କର ରତନ ଧନରେ,ମୋର ଗଳାର ହାର,

ଅନ୍ଧର ଲଉଡି ମୋହର,ହୃଦ ରତନ ହାର ।

ଲାବଣ୍ୟ ମୂରତିି ମୋହନ, ଶିଖେ ମୟୁର ଚୂଳ,

ଲମ୍ବିଛି ଗଳାରେ ତୋହର ବନଫୁଲ ର ମାଳ ।

ବଂଶିବାଇ ନିତି ବନସ୍ତେ ବୁଲୁରେ ବନମାଳି

ବୁଲି ଲଟାବୁଦା ତୋଳିଣ ଖାଉ ବଇଁଚ କୋଳି ।

ଶତ ଭାର ପଦ୍ମ ତୋଳିଲୁ,ପଶି କାଳିନ୍ଦୀ ଜଳେ

ଶକଟାସୁରକୁ ନାଶିଲୁ,ଗୋପରେ ଅବହେଳେ ।

ଶ୍ୟାମ ମୋକୋଳରେ ବସିଣ,ହାଇମାରିବା ବେଳେ,

ସପତ ବ୍ରହ୍ମାଣ୍ଡ ଦେଖାଇଥିଲୁ, ମୋତେ ସେକାଳେ ।

ସଙ୍କଟ ଆସିଲା ଗୋପରେ ଧନ ଥରକୁ ଥର

ସବୁ ସଙ୍କଟକୁ ଗୋପୋକୁ ରକ୍ଷାକଲୁ ଶ୍ରୀଧର ।

ହସ ହସ କଳଶ୍ରୀମୁଖ,ବାବୁ ନନ୍ଦ ଦୁଳ୍ଲାଳ,

ହରକ୍ଷ ହୋଇଣ ବ୍ରଜରେ ସଦା କର ବିହାର ।

କ୍ଷମାକର କ୍ଷମାନିଧି ହେ,ନଯା ମଧୁପୁରକୁ,

କ୍ଷମା ପାରାବାର କ୍ଷମହେ,ଦୀନ ଘନଶ୍ୟାମକୁ ।