நூலகம்
சுயவிவரம்
ନିଷ୍ଫଳ ଲୋକତନ୍ତ୍ର
ନିଷ୍ଫଳ ଲୋକତନ୍ତ୍ର
1 min
229
ବାଛି ତ ସାରିଛ ଥିଲା ବୋଲି ସିନା
ବାଛିବାର ଅଧିକାର
ବଛା ଲୋକଟିକୁ କିସ ଲାଭ ଏବେ
କରିଲେ ଯେତେ ଧିକ୍କାର ?
ତୁମ ଭଳି ଏଠି ଅସଂଖ୍ୟ ଲୋକଙ୍କ
ଦେହରୁ ଚମଡା ଚାଞ୍ଛି
ତୁମ ଦ୍ବାରା ସିଏ ବଛା ହେବା ଆଗୁ
ଶିଳ୍ପପତି ନେଲେ ବାଛି ।
ବାଛିବ ବୋଲି ତ ବାଛି ନେଇଥିଲା
ତୁମକୁ ଆସି ସେ ନିଜେ
ଯିଏ ଯାହା ବାଛୁ କିସ ଯାଏ ଆସେ
ଗାଦିରେ ସିଏ ତ ବିଜେ ।
ସରକାର ସିନା ବଦଳାଇ ହୁଏ
ମିଛ ପ୍ରଲୋଭନ ବାଢି
ତାକୁ ଚଳାଇବା ଅଧିକାର ତୁମ
ନିଆ ଯାଇଛି ତ କାଢି ।
ବାଛିବା ଲୋକଟି ସ୍ବାର୍ଥପର ବୋଲି
ହୁଏ ଯହିଁ କିଣାବିକା
ବିକା ହେବା ମୁଣ୍ଡ ପିଟୁଥାଅ ଯେତେ
ଅର୍ଥନୀତି ପଡେ ଫିକା !
ଆତ୍ମବିଶ୍ୱାସରେ ଅନ୍ଧ ନିଜ ପ୍ରତି
ବିଶ୍ବାସଘାତ ହିଁ କରେ
ସ୍ବାଧୀନ ଥିବାର ବାହାସ୍ଫୋଟ ମାରି
ପରର ଅଧୀନେ ମରେ ।
ସତ୍ତାଧାରୀ ଦଳ ସଂଘଟିତ ହେଲେ
ଏକଛତ୍ର ରାଜତନ୍ତ୍ର
ଜନମତ ଛାଡି ଭାବଧାରା ବହେ
ନିଷ୍ଫଳ ଏ ଲୋକତନ୍ତ୍ର ।
