ନିରୁତ୍ତର

ଆଜି କାହିଁକି ମୁଁ ନିରୁତ୍ତର

   ତୁମ ପ୍ରଶ୍ନ ବାଣରେ କ୍ଷତାକ୍ତ

କାହିଁକି ବା ସଫେଇ ଦେବି

   ତୁମେ ସବୁ ବନ୍ଧନରୁ ମୁକ୍ତ l

ବୁଝିବାକୁ ଚାହିଁନ କେବେ ଅନ୍ତର

   ଝୁରେ ସଦା ତୁମ ସ୍ୱର

ଦେଖିଛ କେବଳ ଓଠ ଧାରେ

   ହସ ଦେଖିନ ଲୁହ ଧାର l

ପ୍ରାଣର ସ୍ପନ୍ଦନ ପରି ସ୍ପନ୍ଦିତ

  ତୁମ ପାଇଁ ମୋର ଭାବ

ପାଏନି ସେ ସ୍ପର୍ଶ ହେଳେ

   ଓଠ ଖୋଲି କିଆଁ କହିବ l

ପ୍ରେମ, ପ୍ରଣୟର ଭାଷା

    ମୁଖେ ନ ହୁଏ ପ୍ରକାଶ

ଆପଣାର ଯିଏ ସହଜରେ ବୁଝିଯାଏ

    ଲୁଚିଛି କେଉଁଠି କାହିଁ ହସ l

ଜୀବନ ଗଣିତ ଏଡ଼ିକି ଅଡୁଆ

    ସହଜେ ପାଏନା ତା' ଭେଦ

ଜାଣି ତୁ ଅଜଣା ହେଉଛୁ

    ହଜି ଯାଇଛି ତୋ ନିଦ l

ସହଜ ସରଳ ସୂତ୍ର ପ୍ରୟୋଗ

  କରି ପାରୁନା ତୁ ଜାଣି

ତେଣୁ ସିନା ଆଜି ତୁମ ପ୍ରଶ୍ନର

  ଉତ୍ତର ପାରିବନି ଶୁଣି l