ନିର୍ଜନ ସ୍ଥାନର ବେଞ୍ଚ
ନିର୍ଜନ ସ୍ଥାନର ବେଞ୍ଚ
ପଡିଅଛି ବେଞ୍ଚ ଟିଏ ନିର୍ଜନ ସ୍ଥାନରେ
ଶ୍ରମ କ୍ଳାନ୍ତ ପଥିକଏ ନିତି ସେହି ଠାରେ ।
ପ୍ରତି ଦିନ ମେଳ ହୋନ୍ତି ଅସଂଖ୍ଯ ଭାବରେ
ଗପ ସପ ଆରମ୍ଭନ୍ତି ବସି ତା' ଉପରେ ।
ଗାଡି ମଟର ର ପ୍ରତୀକ୍ଷା ରେ କେତେ ପୁଣି
କ୍ଳାନ୍ତ ଶ୍ରାନ୍ତ ହୋଇ ବସୁ ଥାନ୍ତି ତହିଁ ଯାଇ ।
ମଦୁଆ ଓ ଗୁଣ୍ତା କ୍ଳାନ୍ତି ତହିଁ ମେଣ୍ଟାଅନ୍ତି
ଚୋର ଦଳେ ତାଉପରେ ଭାଗ କୁ ବାଣ୍ଟନ୍ତି ।
କବି ଲେଖକଏ କେତେ ବସି ସେହି ଠାରେ
ଲେଖନ୍ତି ଗାଆନ୍ତି କେତେ ମନ ମଉଜରେ ।
ଅସାମାଜିକ ଲୋକଏ ତହିଁ ହୋଇ ମେଳ
ଯୋଜନା କରନ୍ତି ନିତି ବହୁ ରକମର ।
ଯାତ୍ରୀ ଦଳେ ରାତ୍ରୀକାଳେ ବିଶ୍ରାମ ଲୋଡିଲେ
ବସି ଯାନ୍ତି ଶୋଇ ଯାନ୍ତି କେତେ ତା, ଉପରେ ।
ବାବା , ମାତା , ଚେଲା ସାଧୁ କେତେ ଚେଲିଆଣି
ଚାଲି ଚାଲି ଥକି ଯାଇ ବସୁ ଥାନ୍ତି ପୁଣି ।
ସବୁ କାଳେ ଥାଇ ସେହି ନିଶୂନ ବନସ୍ତେ
ଖରା ବର୍ଷା ,ଶୀତ କାକର ଓ ବାତ୍ଯା କେତେ ।
ଆପଣାର ଅଙ୍ଗେ କେତେ ଲିଭାଇଛି ସେହି
ନିତି ନିତି ଅଭିନବ ଭାବ ଆହରଇ ।