ନୀରବତା
ନୀରବତା
ନୀରବତା ଏକ ଭଲ ଗୁଣଟିଏ
ମାନବମାନଙ୍କ ପାଇଁ
ନୀରବ ଗମ୍ଭୀର ଚରିତ୍ର ସର୍ବଦା
ସମ୍ମାନ ଥାଆନ୍ତି ପାଇ l
ନୀରବତା ରକ୍ଷା କରିବା ବଳରେ
ଅଶାନ୍ତି ହୁଅଇ ଦୂର
ଅଯଥା କଳହ ଆଦିରୁ ସଭିଏଁ
ପାଇ ଥାଆନ୍ତି ନିସ୍ତାର l
ନୀରବ ରହିଲେ ଜୀବନେ ଅଧିକ
ଜ୍ଞାନର ବିକାଶ ହୁଏ
ଅନ୍ୟ ଠାରୁ ଶୁଣି ଧୀରେ ସ୍ଥିରେ ବୁଝି
ଠିକ ଭୁଲ ଜାଣି ନିଏ l
ନୀରବତା ଆମ ଚିତ୍ତ ସ୍ଥିର କରେ
କ୍ରୋଧକୁ ଦମନ କରେ
ଶାନ୍ତ ଶିଷ୍ଟ ଜନ ଆଦର ପାଆନ୍ତି
ତେଣୁ ସମାଜ ମଧ୍ୟରେ l
ଅନ୍ୟାୟକୁ ଦେଖି ନୀରବ ରହିବା
କଦାପି ଉଚିତ ନୁହେଁ
ଯଥାର୍ଥ ଯୁକ୍ତିରେ ପ୍ରତିବାଦ ସ୍ୱର
ଉଚିତ ଯେ ହୋଇଥାଏ l
ଜ୍ଞାନୀ ଗୁଣୀ ଜନ ନମ୍ର ଓ ନୀରବ
ରହିଥାନ୍ତି ସଦାକାଳେ
ମଥାଟି ଆମର ନତ ହୋଇଯାଏ
ତାଙ୍କରି ଚରଣ ତଳେ ll