ନୀରବ ହତ୍ୟା

ବେଶି ସୁରକ୍ଷା ବଳୟ ଭିତରେ

ଅସୁରକ୍ଷାର ତିମିର

ତାରବାଡ ପାଚେରି ମଧ୍ୟରେ

ଅବ୍ୟବସ୍ଥାର ଗାଢ ଅନ୍ଧାର

କ୍ୟାମେରା ଡ୍ରୋନ୍ ଜୋନରେ

କ୍ଷୀଣକାୟ ଥନ୍ତଲା ପଞ୍ଜର 

   

 ବିଚରା ନିରିହ ଜୀବଟା ପଶୁଟା

ଚିଡିଆଖାନାର ଅପନ୍ତରା 

କୋଣରେ କୋଣଠେସା 

ଭୋକିଲା ଶୋଷିଲା ଦିଶେ 

ଜଙ୍ଗଲି ସାଜିଛି ପୋଷା ଲୋକହସା

ଅଣନିଶ୍ୱାସୀ ଲାଗେ 

ପଥର ଗୋଡି ଫୋପଡ଼ା ଖାଇ

ଦାନ୍ତ ନେଫାଡି ହେଣ୍ଟାଳ ଦାଗେ

ଜୀବେ ଦୟାର ନୀରବ ହତ୍ୟା

ମାନବବାଦର ଫମ୍ପା ଡେଙ୍ଗୁରା 

ମୋ ମତରେ

ପ୍ରକୃତି କୋଳରେ ଛାଡିଦିଅ

ସ୍ଵାଧୀନ ଆଚାର ଆଚରଣେ 

 ବଞ୍ଚୁ ସ୍ଵାଭାବିକ

ଦୌଡ଼ୁ ସାମରିକ

ଲଙ୍ଘୁ ଆସୁରିକ

ଜଙ୍ଗଲୀ ହେଇଯାଉ ଆଉ ଥରେ

ମଣିଷ ବି କଭ ଗୁଣରେ

ଜଙ୍ଗଲୀ ନୁହେଁ କି ?

କମ୍ ସେ କମ୍ 

ଜଳ ମଣ୍ଡଳ ବାୟୁମଣ୍ଡଳ

ମୃଦା ମଣ୍ଡଳ

ସର୍ବୋପରି ଜୀବମଣ୍ଡଳ

ଅମ୍ଳଜନ ଦେଉ

ଅଙ୍ଗାରକାମ୍ଳ କମଉର ଚକ୍ରରେ

ଆତଯାତ ହେବ

ନୀରବ ହତ୍ୟାର ଷଡ଼ଯନ୍ତ୍ରରୁ

ବର୍ତ୍ତିଯିବ ବଞ୍ଚିଯିବ ଏ ଜଗତ ।