କିଛି ତ ଅଛି ପ୍ରେମରେ

କିଛି ତ ଅଛି ପ୍ରେମରେ

ନୋହିଲେ ପତ୍ନୀର ମୃତ୍ୟୁ ପରେ ବି

ତାଜମହଲ କି ଗଢିଥାନ୍ତେ-୧

କିଛି ତ ଅଛି ପ୍ରେମରେ

ନୋହିଲେ ସ୍ତ୍ରୀ ହରଣ ପରେ ବି

ସେତୁବନ୍ଧ କି ବାନ୍ଧିଥାନ୍ତେ-୨

କିଛି ତ ଅଛି ପ୍ରେମରେ

ନୋହିଲେ ଚିରହରଣ ପରେ ବି

ବେଣୀବନ୍ଧନ ପ୍ରତିଜ୍ଞା କି ପୂରଣ କରିଥାନ୍ତେ

-୩

କିଛି ତ ଅଛି ପ୍ରେମରେ

ନୋହିଲେ ରକ୍ତ ରଞ୍ଜିତ ଚିହ୍ନ ପରେ ବି

ମରିବାକୁ କି ଦୌଡିଥାନ୍ତେ-୪

କିଛି ତ ଅଛି ପ୍ରେମରେ

ନୋହିଲେ ଅନ୍ୟତ୍ର ବିବାହ ପରେ ବି

ପ୍ରେମିକା ପାଇଁ କିଡନି କି ଦେଇଥାନ୍ତି-୫

କିଛି ତ ଅଛି ପ୍ରେମରେ

ନୋହିଲେ ପ୍ରେମରେ ବିଫଳ ପରେ ବି

ହସି ହସି ବିଷ କି ପିଇଥାନ୍ତେ-୬

କିଛି ତ ଅଛି ପ୍ରେମରେ

ନୋହିଲେ ଅନ୍ୟତ୍ର ଠିକଣା ପରେ ବି

ନୀରବ ଲୋତକ କି ଝରେଇଥାନ୍ତେ-୭

କିଛି ତ ଅଛି ପ୍ରେମରେ

ନୋହିଲେ ବାରମ୍ଵାର ପ୍ରୟାସ ପରେ ବି

ଜୀବନ ଦୀପକୁ କି ଲିଭେଇଥାନ୍ତେ-୮

କିଛି ତ ଅଛି ପ୍ରେମରେ

ନୋହିଲେ ଦେହ ଦେହଳୀ ପରେ ବି

ଦେହାତୀତ ପ୍ରେମ କି ଅମରାକ୍ଷରେ ଲେଖିଥାନ୍ତେ-୯

କିଛି ତ ଅଛି ପ୍ରେମରେ

ନୋହିଲେ ମିଳନ ବିଫଳ ପରେ ବି

ନିଜକୁ ସୌଭାଗ୍ୟଶାଳି ମଣୁଥାନ୍ତି -୧୦