ലൈബ്രറി
പ്രൊഫൈൽ
ବିପଦ ବେଳର ସାଥି
ବିପଦ ବେଳର ସାଥି
1 min
275
ଦେବ ଦୂତ ତୁମେ ବିଭୁଙ୍କ ବିଭୁତି
ସେବାରେ ଜୀବନ ବ୍ରତୀ
ପରଶରେ ତୁମ ରୋଗ ଉପଶମ
ଯାତନା ରୁ ମିଳେ ମୁକ୍ତି
ରୋଗୀ ଙ୍କ ପାଇଁକି ତୁମେତ ଈଶ୍ବର
ରୋଗ ପାଇଁ ତୁମେ ଅରୀ
ହେ ଡାକ୍ତର ତୁମେ ଭଙ୍ଗା ମନରେ
ନୂଆ ଆଶା ଯାଅ ଭରି
ଷ୍ଟେଥୋସ୍କୋପ ତୁମେ ଗଳାରେ ଝୁଲାଇ
ହୃଦୟ ସ୍ପନ୍ଦନ ମାପ
ରୋଗ ଜାଣିବାକୁ ଯତନରେ ଦେଖ
ରୋଗୀର ରକତ ଚାପ
ଲକ୍ଷଣ କୁ ଦେଖି ଦିଅ ତୁମେ ଲେଖି
ରୋଗର ଜାତକ ଟିଏ
ଔଷଧର ମାତ୍ରା ଖାଇବା ସମୟ
ଯେଉଁଥିରେ ଲେଖା ଥାଏ
ସଭିଙ୍କୁ ବତାଅ ସମୟର ମୂଲ୍ୟ
ନିଜ କଥା ଭୁଲିଯାଅ
ବେଳ ଅବେଳକୁ ଖାତର ନକରି
ରୋଗୀ କଥା ବୁଝିଥାଅ
ସାରା ଦୁନିଆରେ କେତେ ନୂଆ ରୋଗ
ଆତଙ୍କ ରଚଇ ଆଜି
ସ°କ୍ରମିତଙ୍କୁ ସାହା ହୁଅ ତୁମେ
ଜୀବନ ଲଗାଇ ବାଜି
ହେ ଡାକ୍ତର ତୁମ ଗୁଣ ବଖାଣିଲେ
ହୋଇଯିବ ସେତ ପୋଥି
ଅସହାୟ ପାଇଁ ଆଶାର ଆଲୋକ
ବିପଦ ବେଳର ସାଥି
