ନୀଳାଚଳେ ବ୍ରହ୍ମଦାରୁ

 

ନୀଳାଚଳେ ବ୍ରହ୍ମଦାରୁ ଚତୁର୍ଦ୍ଧା ମୂରତି l

ସୃଷ୍ଟି ସ୍ଥିତି ପ୍ରଳୟ ସେ ଅଗତିର ଗତି ll

କିଏ କହେ ଦାରୁବ୍ରହ୍ମ, କିଏ ବ୍ରହ୍ମଦାରୁ l

ଅତଳ, ଅଚଳ ନିଳାଚଳ ମହାମେରୁ ll

ନୀଳ ସୁନ୍ଦର ଅର୍ଦ୍ରିରେ ବାସ ପ୍ରଭୁଙ୍କର l

ଭୁବନ ମୋହନ ରୂପ ଅତୀବ ସୁନ୍ଦର ll

ଶଙ୍ଖ ଚକ୍ର ଗଦା ପଦ୍ମ ଚତୁର୍ଭୁଜେ ଧରି l

ବଳିୟାରଭୁଜ ପ୍ରଭୋ ବସିଛ ବିସ୍ତାରି ll

ଦରଶନେ କଟିଯାଏ ଜନ୍ମଜନ୍ମ ଦୁଃଖ l

କମଳନୟନ ପ୍ରଭୋ କଳାକର ମୁଖ ll

ମନ ମୋର କ୍ଷେତ୍ରବର କରନ୍ତି ବସତି l

ଶ୍ରୀମୁଖ ଦର୍ଶନ ତାଙ୍କ କରୁଥାନ୍ତି ନିତି ll

ସୁନ୍ଦର ସୁନ୍ଦର ନୀଳାଚଳେ ନୀଳମଣି l

ବଳଦେବ ସୁଦର୍ଶନ ସୁଭଦ୍ରା ଭଉଣୀ ll

ଚତୁର୍ଦ୍ଧା ମୂରତି ସତ୍ୟ ମିଛ ଦୁନିଆଁରେ l

ଶରଣ ପଶିଲି ତାଙ୍କ ଶ୍ରୀପଦ୍ମପୟରେ ll