ନିଃସଙ୍ଗତା
ନିଃସଙ୍ଗତା
ନିଃସଙ୍ଗତା ନିଜର ସେ
ସଙ୍ଗ ଠାରୁ ଭଲ,
ଧୂଳି ଝଡ ପ୍ରାୟେ ସେ ତ
ହୁଏ ନାହିଁ ପର,
ଦିଏ ଯେତେ ଦୁଃଖ ଜାଣି
ଅତ୍ୟନ୍ତ ନିଜର,
ଦୁଃଖ ଜାଣି ଭୋଗି ନେବା
ଆୟତ୍ତ ଟି ମୋର।
ଅପହଞ୍ଚ ଦୂରତା ସେ
ତୁମର ସାହାରା,
ମିଳେ ପୁଣି ହଜେ କେବେ
ନିଶା ତା' ନିଆରା,
ଘଡିସନ୍ଧି ମୁହୂର୍ତ୍ତ6ରେ
କୂଳ କି କିନାରା,
ଠାବ ପାଏ ନାହିଁ ସେ ତ
ସଦା ସ୍ବପ୍ନ ଝରା।
ଖୋଜୁଥାଏ ମନ ଯେବେ
କେହି ଅତି ପ୍ରିୟ,
କାଟିବାକୁ କିଛି କ୍ଷଣ
ସମୟ ଟି ଶ୍ରେୟ,
ହଜିଯାଏ ମଜ୍ଜିଯାଏ
ମାନି ତାକୁ ଧ୍ୟେୟ,
ନ ମିଳିଲେ ବାଧା ଯେତେ
ସେ ତ ନିଶ୍ଚେ ଅନୁମେୟ!!!