## ଜୀବନ ସାଙ୍ଗରେ ! ##

ନିଃସଙ୍ଗତାର 

ଉତ୍ତୁଙ୍ଗ ଶିଖରରେ କାର୍ଯ୍ୟରତ

କଳାକାର ସହ 

ଏକାତ୍ମ ହେଇଗଲା ପରେ,

ଆଉ ସେମିତି ଏକ ମୁହୂର୍ତ୍ତରେ 

ନା ପାଦ ତଳେ ଥାଏ ମାଟି 

ନା ମଥା ଉପରେ ଆକାଶ 

ନା ସ୍ବଚ୍ଛ ଚଉପାଶ !

ଏକ ଅଦୃଶ୍ୟ ଭାବବିନ୍ଦୁରେ 

ମିଳିତ ହୋଇଥାଆନ୍ତି 

ସ୍ବପ୍ନ  ଆଉ ନିଦ, 

ଯେଉଁଠାରୁ ବିଚ୍ଛୁରିତ ହୁଏ 

ଅପୂର୍ବ ଭାବତରଙ୍ଗ ! 

ସେଥିରେ ତରଙ୍ଗାୟିତ ହେଇ 

ଚିରକାଳ ରହିଥିବାକୁ 

ଆମ ଭିତରେ ଏ ପ୍ରୟାସ,

କାରଣ ଆମେ ସଭେଁ 

ଉଣା ଅଧିକେ ନିଃସଙ୍ଗ ଓ

ସବୁବେଳେ ଆମର ଲଢେଇ 

ନିସଙ୍ଗତା ବିରୋଧରେ  

ଜୀବନର ବାସ୍ତବତା ସଙ୍ଗରେ 

କେତେବେଳେ ମଧୁର ତ 

କେତେବେଳେ ତିକ୍ତ ଅନୁଭୂତିର ଇନ୍ଦ୍ରଧନୁ ! !

@ ଅନିଲ