ନିବିଡତା

ଏଠି ନ୍ୟାୟର ସଭାରେ  

ଅନ୍ୟାୟର ବିଚାରକ,

ଧର୍ମର ଖେଳରେ 

ଅଧର୍ମର ଶେଷ ନିଷ୍ପତ୍ତି

ହାତ ଗୋଡ଼ ଥାଇ

ମୁଁ କିନ୍ତୁ,

ଆଜି ପଙ୍ଗୁ ଓ ଅର୍ଥବ

କିଛି କହି ପାରୁନି କରିବା ପାଇଁ

ଆଖି ମଳି ମଳି 

ଘୁମେଇ ପଡୁଛି

ମୋର ପ୍ରେମିକାର

ଉଷ୍ମ ଦେହ ଉପରେ ।

ଆଖି ନିଃଷ୍ପ୍ରଭ ଭିତରେ

ରକ୍ତ ପିଏ ମଶା ଓ ଓଡ଼ଶ

ଅବଶ ଶରୀର

ତଥାପି

ମୁଁ ଚୁପ୍ ଓ ନିଶ୍ଚଳ

ଅନ୍ଧ, ମୁକ ଓ ବଧିର ।

ସ୍ୱପ୍ନ ଦେଖେ ମୁଁ

ରଙ୍ଗୀନ ସ୍ୱପ୍ନରେ

ହଜିଯାଏ ରାତ୍ରି

ପ୍ରେମର ନିବିଡ଼ ସଂପର୍କରେ

ବିଚ୍ଛିନ୍ନ ପ୍ରେମ ପାଖରେ ।